BGMI Best Landing Spots in Sanhok : बॅटलग्राऊंड्स मोबाईल इंडिया ही एक लोकप्रिय गेम आहे. भारतात मोठ्या प्रमाणात प्रसिद्ध असणाऱ्या या गेमला क्राफ्टॉन कंपनीने बनवलं आहे. या गेममध्ये वळोवेळी नवीन अपडेट्स देण्यात येतात. तसंच यामध्ये प्लेयर्सना खेळण्यासाठी विविध प्रकारचे मॅप्स देखील दिले आहेत. यातील सॅनहॉक (Sanhok) हा मॅप गेमर्सना अधिक पसंत पडतो आहे.

सॅनहॉकमध्ये लँडिंग करण्यासाठी टॉप पाच स्पॉट असे आहेत, जिथे उतरल्यानंतर तुम्ही अगदी आरामात ही गेम खेळू शकाल. यामुळे तुम्ही कमी कालावधीमध्ये प्रो गेमर होऊ शकता. या लोकेशन्सची माहिती आम्ही तुम्हाला देणार आहोत.

डॉक्स

सॅनहॉक मॅपमध्ये उजव्या बाजूला खाली Docks ही लोकेशन आहे. खूप कमी प्लेयर्स ही लोकेशन वापरतात. मात्र, याठिकाणी जास्त मेहनत न करता अधिक प्रमाणात लूट मिळू शकते. कमी गर्दी असली तरीही याठिकाणी भरपूर लूट उपलब्ध आहे.

रुइन्स

मॅपमध्ये डाव्या बाजूला खाली असणारी Ruins ही लोकेशन जणू एक खजानाच आहे. याठिकाणी पुरातन मंदिरांचे अवशेष आणि भुयारे आहेत. याठिकाणी प्लेयर्सना लपण्यासाठी सुरक्षित जागाही मिळतात.

पै नान

Pai Nan ही लोकेशन सॅनहॉक मॅपमध्ये अगदी सेंटरला आहे. याठिकाणी एक छोटंसं गाव आहे जिथे लुटीसाठी भरपूर संधी उपलब्ध आहेत. हे गाव छोटं असलं तरी कित्येक प्लेयर्स इथे उतरण्यासाठी पसंती दर्शवतात.

याव्यतिरिक्त पॅराडाईज रिसॉर्ट (Paradise Resort) आणि बूटकॅम्प (Bootcamp) हे लोकेशन्स देखील गेमर्ससाठी चांगले आहेत. हे लोकेशन तितके लोकप्रिय नसले, तरी चिकन डिनर करण्यासाठी अगदी परफेक्ट समजले जातात.