मुंबई : Apple ची नवीन सीरीज iPhone 14 लाँच होण्याची चर्चा सर्वत्र सुरू आहे. जगभरातील चाहते आयफोन 14 ची आतुरतेने वाट पाहत आहेत. Apple iPhone 14 चार प्रकारांमध्ये ऑफर केला जाऊ शकतो - जे iPhone 14, 14 Plus, 14 Pro, 14 Pro Max असतील. म्हणजेच यावेळी मिनी मॉडेल लाँच होणार नाही.

अद्याप अधिकृतपणे कोणतीही माहिती समोर आलेली नाही. मात्र आता आणखी एक धक्कादायक बातमी समोर आली आहे. असे दिसते आहे की आयफोन 14 मॅक्स स्मार्टफोनच्या लॉन्चला विविध कारणांमुळे विलंब होऊ शकतो.

iPhone 14 सीरीज पुढील महिन्यात सप्टेंबर 2022 च्या दुसऱ्या आठवड्यात लॉन्च केली जाऊ शकते. दरम्यान, अशीही बातमी समोर येत आहे की, या लेटेस्ट सीरीजचे मॉडेल, iPhone 14 Max, अजून लॉन्च होणार नाही. म्हणजेच हे मॉडेल नंतर लॉन्च केले जाईल. आयफोन 14 मॅक्ससाठी पॅनेल शिपमेंट्स खूप मागे आहेत. iPhone 14 Pro Max चा पुरवठा iPhone 14 Max च्या तिप्पट आहे.

गेल्या वर्षीच्या फोनच्या तुलनेत iPhone 14 ची किंमत जवळपास 10,000 रुपयांनी वाढण्याची शक्यता आहे. भारतात $100 ची किंमत सुमारे रु.8,000 आहे, परंतु ऍपल साधारणपणे $1 ला रु.100 असे दर देते. त्यामुळे किंमतीतील वाढ 10,000 रुपयांच्या जवळ जाण्याची शक्यता आहे.

आयफोन 13 सध्या भारतात अनेक वेबसाइट्सवर 79,990 रुपयांपासून विकला जात आहे. iPhone 14 ची किंमत 90,000 च्या जवळपास असू शकते. तथापि, कंपनी या फरकाने किंमत वाढवेल अशी अपेक्षा नाही.