Voice Only Call Recharge Plans : भारतीय सरकारी दूरसंचार कंपनी BSNL ने पुन्हा एकदा आपल्या परवडणाऱ्या रिचार्ज प्लॅनमुळे खाजगी कंपन्यांसमोर आव्हान उभे केले आहे. TRAIच्या नव्या मार्गदर्शक तत्त्वांनुसार खासगी टेलिकॉम कंपन्यांनीही स्वस्त व्हॉइस-ओन्ली प्लॅन आणायला सुरुवात केली असली तरी BSNL आधीपासूनच कमी किमतीत उत्तम पर्याय देत आहे.
BSNL च्या 99 रुपायांच्या रिचार्ज प्लानमध्ये ग्राहकांना अमर्यादित मोफत कॉलिंग मिळत आहे, ज्यामुळे इतर कंपन्यांच्या महागड्या कॉलिंग प्लॅनला धक्का बसला आहे. या प्लानची वैधता 17 दिवसांची असून, यामध्ये इंटरनेट डेटा किंवा SMS सेवा समाविष्ट नाही. जे वापरकर्ते फक्त कॉलिंगसाठीच सिमकार्ड वापरतात किंवा BSNL नंबर सक्रिय ठेवू इच्छितात, त्यांच्यासाठी हा उत्तम पर्याय ठरू शकतो.
Airtel आणि Vi सारख्या कंपन्या आजही व्हॉइस सेवांसाठी जास्त शुल्क घेत आहेत, पण BSNL चा 99 रुपयांचा प्लॅन अतिशय परवडणारा ठरतो. TRAI च्या निर्देशांनंतर अनेक टेलिकॉम कंपन्यांनी स्वस्त व्हॉइस-ओन्ली प्लॅन बाजारात आणण्यास सुरुवात केली आहे, मात्र BSNL आधीपासूनच कमी किमतीत उत्तम पर्याय देत आहे.
BSNL ने 439 रुपयांचा एक नवीन प्लॅनदेखील आणला आहे, ज्यामध्ये 90 दिवसांसाठी अमर्यादित कॉलिंग आणि SMS सेवा उपलब्ध आहे. हा प्लॅन जास्त काळ वैधता हवी असलेल्या ग्राहकांसाठी फायदेशीर ठरू शकतो.
ज्यांना फक्त कॉलिंगसाठीच सिमकार्ड हवे आहे
जे BSNL नंबर सक्रिय ठेवू इच्छितात पण जास्त खर्च करू इच्छित नाहीत
ज्यांना दुसऱ्या नंबरसाठी सेकंडरी सिमकार्ड हवे आहे
BSNL च्या या स्वस्त प्लान्समुळे मोबाईल वापरकर्त्यांना मोठा दिलासा मिळत आहे. Airtel आणि Vi सारख्या कंपन्यांनी जरी नवीन स्वस्त प्लॅन आणले, तरी BSNL चा 99 प्लॅन अद्यापही सर्वात परवडणारा ठरतो. त्यामुळे BSNL पुन्हा एकदा बजेट-फ्रेंडली टेलिकॉम कंपनी म्हणून पुढे येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.