तुमच्या कारमध्ये तुमच्या सुरक्षेसाठी कित्येक फीचर्स देण्यात आलेले असतात. कार घेण्यापूर्वी कित्येक लोक त्यातील सेफ्टी फीचर्स, सेफ्टी रँकिंग अशा कित्येक गोष्टी आपण तपासतो. हे फीचर्स मुख्यतः अपघातादरम्यान तुम्हाला सुरक्षा पुरवतात.

मात्र, तुमच्या कारचं एक फीचर असंही आहे जे तुम्हाला कॅन्सर या जीवघेण्या आजारापासून वाचवतं. सध्या मार्केटमध्ये मिळणाऱ्या जवळपास सर्व कारमध्ये हे फीचर आढळतं. हे फीचर म्हणजे, यूव्ही कट ग्लास.

कारच्या विंडशील्ड आणि खिडक्यांच्या काचा या यूव्ही कट ग्लासच्या बनवलेल्या असतात. सूर्याच्या अतिनील (अल्ट्राव्हायलेट) किरणांपासून आत बसलेल्या व्यक्तीची सुरक्षा करण्यासाठी ही खास प्रकारची काच वापरण्यात आलेली असते. यामुळे हे यूव्ही रेज तुमच्या त्वचेवर थेट पडत नाहीत.

यूव्ही रेजमुळे त्वचेचा कॅन्सर

सूर्याच्या या अतिनील किरणांमुळे त्वचेचा कॅन्सर होण्याचा धोका मोठ्या प्रमाणात असतो. यामुळेच काही दिवसांपूर्वी नेदरलँड सरकारने आपल्या देशातील नागरिकांना सनस्क्रीन वाटण्याचाही निर्णय घेतला होता.

९० टक्के सुरक्षा

यूव्ही कट ग्लास ही यूव्ही रेजना ९० टक्क्यांपर्यंत डिफ्लेक्ट करतात. यामुळे आत बसलेल्या व्यक्तींना या रेजचा फटका बसत नाही. तसंच कार अति प्रमाणात गरम होत नाही.

यूवी कट ग्लास असतानाही जर तुम्हाला अधिक सुरक्षेची गरज आहे, तर तुम्ही काचेवर यूव्ही कोटिंग देखील करून घेऊ शकता. यानंतर कारमध्ये यूव्ही किरणे आजिबातच येऊ शकत नाहीत.

फुटल्यावर सुरक्षा

यूव्ही कट ग्लासचं आणखी एक वैशिष्ट म्हणजे, फुटल्यानंतर ही काच लहान-लहान गोलाकार तुकड्यांमध्ये रुपांतरित होते. त्यामुळे काचेचे तुकडे शरीरात घुसण्याचा धोका टळतो.