शिक्षण पूर्ण केल्यानंतरच करिअरच्या अनेक वाटा तरुणांसाठी खुल्या होतात. त्यामुळे प्रथम शिक्षण पूर्ण करणं अत्यंत गरजेचं आहे. परंतु, अनेक जणांना आर्थिक कारणामुळे किंवा अन्य काही समस्यांमुळे शिक्षण पूर्ण करता येत नाही. किंवा, शिक्षण सुरु असतानाचा नोकरी करावी लागते. मात्र, बऱ्याचदा शिक्षण सुरु असल्यामुळे अशा विद्यार्थ्यांसमोर लिमिडेट करिअर ऑप्शन्स असतात. परंतु, आज आम्ही असे काही करिअर ऑप्शन सांगणार आहोत, जे तुम्ही शिक्षण घेता घेता करु शकता. तसंच चांगला पगारही मिळवू शकता. (career-options-with-graduation-you-can-choose-with-any-degree)

१. ह्यूमन रिसोर्सेस (HR) -

कोणत्याही कंपनीतील महत्त्वाचा घटक किंवा कर्मचारी म्हणजे एचआर. कर्मचाऱ्यांच्या पगारापासून ते नव्या कर्मचाऱ्यांची नियुक्ती करतेपर्यंत अनेक काम एचआर करत असतात. सध्या HR होण्याकडे अनेकांचा कल आहे. विशेष म्हणजे HR होण्यासाठी तुम्हाला कोणतीही खास डिग्रीची आवश्यकता नाही. मात्र, इंग्रजीवर प्रभुत्व असणं गरजेचं आहे.

२. अकाऊंटेंसी (Accountancy) -

जर तुम्हाला अकाऊंट क्षेत्रात करिअर घडवायचं असेल तर हा बेस्ट ऑप्शन आहे. या क्षेत्रात तुम्हाला काम करायचं असेल तर गणितावर प्रेम असणं गरजेचं आहे. ज्यांना आकडेवारीचं योग्य ज्ञान आहे किंवा विश्लेषणात्मक विचार करण्याची क्षमता आहे त्यांच्यासाठी हे क्षेत्र उत्तम पर्याय आहे. या क्षेत्रात काम करण्यासाठी इच्छुक उमेदवारांना अकाऊंटिंग एक्झाम आणि मुलाखत द्यावी लागते.

३. मार्केटिंग आणि अॅडव्हर्टायझिंग -

सगळ्यात जास्त कॉम्पिटिशन असलेलं क्षेत्र म्हणजे मार्केटिंग आणि अॅडव्हर्टायझिंग. परंतु, जास्त पैसे कमवण्यासाठी हे बेस्ट क्षेत्र आहे. यासाठी फक्त तुम्हाला क्रिएटिव्ह माईंडची गरज आहे. एखाद्या वस्तूची विक्री किंवा खरेदी कशी करावी याचं उत्तम कौशल्य तुम्हाला यायला हवं. या क्षेत्रात गेल्यानंतर तुम्ही कॉपी रायटिंग, मार्केटिंग, मीडिया प्लॅनर आणि मॅनेजर या पदांपर्यंत सहज पोहोचू शकता. या क्षेत्रात येण्यासाठी तुम्हाला केवळ कोणत्याही क्षेत्रातील पदवी पूर्ण असण्याची गरज आहे.

४. इन्व्हेस्टमेंट बँकिंग -

इन्व्हेस्टमेंट बँकिंग या क्षेत्रात वेगवेगळ्या कंपन्या किंवा इंस्टिट्युयला फायनान्शिअल मदत पुरवली जाते. परंतु, या क्षेत्रात येण्यापूर्वी तुमच्याकडे आर्थिक व्यवहार सांभाळण्याची क्षमता किंवा कौशल्य असणं गरजेचं आहे.

५. टीचिंग (Teaching) -

जर तुम्हाला विद्यार्थ्यांना शिकवण्याची आवड असेल तर हे क्षेत्र तुमच्यासाठीच आहे. पोस्ट ग्रॅज्युएट टीचिंग कोर्स केल्यानंतर तुम्हाला या क्षेत्रात नोकरी मिळू शकते. त्यासाठी तुम्हाला भरमसाठ डिग्री घेण्याची आवश्यकता नाही. तसंच तुमच्याकडे संवादकौशल्य, पॅशन, आत्मविश्वास असणं गरजेचं आहे.