तंत्रज्ञान ज्या वेगाने प्रगती करत आहे, त्याच वेगाने सायबर गुन्हेगार फसवणुकीचे नवनवीन प्रकार शोधत आहेत. जागतिक आरोग्य संघटनेच्या एका निवृत्त अधिकाऱ्याचीही एका नवीन प्रकारे फसवणूक करण्यात आली. ७८ वर्षांच्या या व्यक्तीला गुन्हेगारांनी तब्बल 3.56 लाख रुपयांचा गंडा घातला आहे.
या व्यक्तीने दिलेल्या माहितीनुसार, त्याला आपल्या मित्राचा एक ई-मेल आला होता. या ई-मेलमध्ये त्यांच्या मित्राने पैशांची मदत मागितली होती. मात्र, नंतर हा खोटा ई-मेल आयडी असल्याचं लक्षात आलं. मात्र, तोपर्यंत या व्यक्तीने पैसे पाठवले होते.
या निवृत्त अधिकाऱ्याला johnpmeneze@gmail.com या ई-मेल आयडीवरुन मेल आला होता. मात्र, त्यांच्या मित्राचा ईमेल आयडी johnpmenezes@gmail.com असा आहे. पहिल्या ई-मेल आयडीमध्ये 'S' नसल्याचं या व्यक्तीच्या लक्षात आलं नाही, त्यामुळे त्यांची फसवणूक झाली.
ई-मेल करणाऱ्या व्यक्तीने या अधिकाऱ्याशी त्यांचा मित्र बनून गप्पा मारल्या. आपल्या घरात नवीन पाहुणा आल्याचं या व्यक्तीने सांगितलं, तेव्हा अधिकाऱ्याने त्याचं अभिनंदन केलं. यानंतर दुसऱ्या एका मेलमध्ये या व्यक्तीने आपली लंडन ते भारत फ्लाईट मिस झाल्याचं सांगितलं. आपल्या पत्नीची तब्येत बिघडली असून, नवीन फ्लाईट बुक करण्यासाठी आपल्याला पैसे हवे असल्याचं या मेलमध्ये म्हटलं होतं.
निवृत्त अधिकाऱ्याने मैत्रीखातर या व्यक्तीने सांगितलेल्या खात्यावर पैसे पाठवले. अशाच प्रकारे २६ जुलै ते ३१ जुलै दरम्यान विविध कारणांनी या अधिकाऱ्याकडून ३.५६ लाख रुपये घेण्यात आले. मात्र, नंतर आपली फसवणूक झाल्याचं या निवृत्त अधिकाऱ्याच्या लक्षात आलं. त्यानंतर त्यांनी पोलिसांत धाव घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.