मानवासारखे रोबोट तयार करण्याचा प्रयत्न जगभरातील कित्येक शास्त्रज्ञ करत आहेत. हॉलिवूड आणि बॉलिवूड चित्रपटांमध्ये आपण यापूर्वी असे रोबोट पाहिले असतील. मात्र, जगातील सर्वात श्रीमंत व्यक्तींमध्ये गणल्या जाणाऱ्या इलॉन मस्कने असे रोबोट खरोखरच तयार केले आहेत.
मस्कच्या टेस्ला कंपनीने हे रोबोट तयार केले आहेत. Optimus असं या रोबोटचं नाव आहे. या रोबोटचा एक व्हिडिओ आणि फोटो इलॉन मस्कने एक्स हँडलवरून पोस्ट केला आहे. या व्हिडिओमध्ये हा रोबोट अगदी मानवाप्रमाणे हाता-पायांची हालचाल करताना दिसत आहे. तर फोटोमध्ये हा ऑप्टिमस अनोख्या अंदाजात 'नमस्ते' करत आहे.
इलॉन मस्कने आणखी एका पोस्टमध्ये असे चार रोबोट दाखवले आहेत. ही संपूर्ण टीम असल्याचं मस्कने म्हटलं आहे. हे फोटो आणि व्हिडिओ सोशल मीडियावर मोठ्या प्रमाणात व्हायरल होत आहेत.
नमस्ते म्हणणाऱ्या या रोबोटचं भारतीय एक्स यूजर्स मोठ्या प्रमाणात कौतुक करत आहेत. "ही तर भरतनाट्यम पोझ आहे", "भारताकडूनही नमस्ते", "एआय रोबोट योगा मशीन" अशा प्रकारचे रिप्लाय या फोटोला मिळत आहेत. तर "हॅलो आणि हाऊ आर यू हे आउटडेटेड झालं असून, आता नमस्तेचा ट्रेंड आला आहे" असंही एका यूजरने म्हटलं आहे.
ऑप्टिमस हे ह्युमॅनॉईड रोबोट कित्येक प्रकारची कामं करू शकतात. ते स्वतःच स्वतःच्या हाता-पायांची हालचाल करू शकतात. केवळ आपले व्हिजन सेन्सर वापरून ते विविध क्रिया करण्यासाठी कॅलिब्रेट केले जाऊ शकतात. या व्हिडिओमध्ये ते एखाद्या लहान मुलाप्रमाणे वेगवेगळ्या रंगाचे ब्लॉक त्या-त्या रंगाच्या ट्रेमध्ये ठेवताना दिसत आहेत. सोबतच या व्हिडिओमध्ये हे रोबोट योगासन करतानाही दिसत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.