मुंबई : इंटरनेटचा वाढता वापर पाहता सर्व प्रमुख दूरसंचार कंपन्या नवनवीन रिचार्ज प्लॅन ऑफर करत आहेत. वाढत्या टॅरिफ किमतींमुळे प्रीपेड योजना आता पूर्वीपेक्षा महाग झाल्या आहेत. अशा परिस्थितीत, वापरकर्ते स्वस्त योजनांच्या शोधात आहेत आणि कमी किमतीचे प्लॅन ऑफर करण्यासाठी कंपन्यांमध्ये स्पर्धा वाढली आहे. एअरटेल आणि जिओ या सेगमेंटमध्ये आघाडीवर आहेत आणि त्यांच्या वापरकर्त्यांसाठी कमी किमतीत डेटासह अतिरिक्त फायदे देत आहेत. या यादीत बीएसएनएलनेही प्रवेश केला आहे. आपला यूजर बेस वाढवण्यासाठी सरकारी टेलिकॉम कंपनी BSNL दररोज नवनवीन प्लॅन आणत आहे. कंपनीने आता एक अशी योजना आणली आहे जी वापरकर्त्यांना दररोज हाय-स्पीड 3 GB डेटा देईल.

ज्या वापरकर्त्यांना दररोज अधिक इंटरनेट वापरायचे आहे त्यांच्यासाठी ही एक चांगली योजना आहे. त्याची किंमत फक्त २९९ रुपये आहे. तर, Airtel आणि Vodafone Idea २९९ रुपयांच्या प्लॅनवर २८ दिवसांसाठी फक्त 1.5GB दैनंदिन डेटा ऑफर करतात, जे BSNL च्या डेटाच्या जवळपास निम्मे दैनिक डेटा कमी आहे. विशेषत: घरून काम करणाऱ्या वापरकर्त्यांसाठी ही योजना खूप उपयुक्त ठरेल. मात्र, या प्लानमध्ये यूजर्सना 4G सपोर्ट मिळत नाही. हेवी डेटासह कंपनीची नवीनतम मासिक योजना आहे.

बीएसएनएल २९९ रु

३०० रुपयांपेक्षा कमी किंमतीचा हा BSNL मासिक प्लॅन ३० दिवसांच्या वैधतेसह येतो. जर वापरकर्ते चांगली शॉर्ट टर्म योजना शोधत असतील तर त्यांच्यासाठी हा एक चांगला पर्याय आहे. या प्लॅनमध्ये, वापरकर्त्यांना दररोज हाय-स्पीड 3GB डेटा मिळतो, जो महिन्यासाठी 90 GB डेटा असेल. फेअर यूसेज पॉलिसी (FUP) डेटा वापरल्यानंतर, वापरकर्त्यांसाठी इंटरनेटचा वेग 80 Kbps पर्यंत खाली येतो. याशिवाय, डेटाच्या अतिरिक्त फायद्यांबद्दल सांगायचे तर, डेटासह, वापरकर्त्यांना 30 दिवसांसाठी अमर्यादित व्हॉइस कॉलिंग आणि विनामूल्य 100 / एसएमएस मिळतात.

VI चा २९९ रुपयांचा प्रीपेड प्लॅन

त्याच वेळी, Vodafone Idea (Vi) आणि Airtel त्यांच्या 299 रुपयांच्या प्रीपेड प्लॅनमध्ये 1.5GB दैनिक डेटा देतात. यासह, खासगी टेलिकॉमचा 299 रुपयांचा प्लॅन केवळ 28 दिवसांच्या वैधतेसह येतो.