Google Doodle Today : एखाद्या खास दिवसानिमित्त गुगल नेहमीच आपल्या डूडलच्या माध्यमातून शुभेच्छा देत असतं. आजपासून देशातील लोकसभा निवडणुकांच्या मतदानाला सुरुवात होत आहे. यानिमित्ताने देखील गुगल इंडियाने एक खास डूडल तयार केलं आहे.

आजच्या गुगल डूडलमध्ये मतदान करतानाचा एक हात दिसत आहे. या हाताच्या पहिल्या बोटावर शाई देखील दिसत आहे. यामधून लोकांना मतदान करण्यासाठी प्रेरित केलं जात आहे. या डूडलवर क्लिक केल्यानंतर 2024 India Elections या पेजवर रीडायरेक्ट होत आहे. याठिकाणी निवडणुकीसंदर्भात लेटेस्ट अपडेट्स पहायला मिळत आहेत.

लोकसभा निवडणूक

लोकसभा निवडणुकीच्या पहिल्या टप्प्यातील मतदान आजपासून सुरू झालं आहे. आज 21 राज्यांमधील 102 मतदारसंघांमध्ये मतदान पार पडत आहे. महाराष्ट्रात विदर्भातील पाच मतदारसंघांमध्ये आज मतदान होत आहे.

पंतप्रधान नरेंद्र मोदी यांनी आपल्या एक्स हँडलवरुन मतदारांना मतदान करण्याचं आवाहन केलं आहे. प्रत्येक मत महत्त्वाचं असून, तरुण मतदारांनी मोठ्या संख्येने बाहेर पडून आपला हक्क बजावावा असं पंतप्रधान म्हणाले.