गुगल क्रोम (Google Chrome Browser) हे जगातील सर्वाधिक वापरले जाणारे ब्राउझर आहे. हे ब्राउझर विंडोज आणि अँड्रॉइडवर सर्वाधिक वापरले जाते. तुम्हीही गुगल क्रोम वापरत असाल तर सरकारने तुमच्यासाठी एक अलर्ट जारी केला आहे. याबाबत IT मंत्रालयाचा भाग असलेल्या इंडियन कॉम्प्युटर इमर्जन्सी रिस्पॉन्स टीम (CERT-In) ने माहिती दिली आहे.

इंडियन कॉम्प्युटर इमर्जन्सी रिस्पॉन्स टीम नुसार, हॅकर्स तुमच्या गुगल क्रोमवर लक्ष ठेवून आहेत. तुम्ही खबरादारी घेतली नाहीतर हॅकर्स तुमची वैयक्तिक माहिती चोरून तुमची फसवणूक करू शकतात. तुमच्या माहितीचा गैरवापर होऊ शकतो. तसेच तुम्ही काय पाहताय, काय नाही यावर हॅकर्स लक्ष ठेवू शकते. तुमच्या डिव्हाईसमध्ये मालवेअर देखील टाकू शकतात. तसेच तुमच्या डिव्हाईसमधील डेटा देखील डिलिट करू शकतात. त्यामुळे युजर्सने गुगल Chrome चे ९२ व्हर्जन अपडेट करावे, असं CERT-In ने सांगितले आहे.

Google ने अलीकडेच त्यांच्या Chrome ब्राउझरमधील गंभीर त्रूटी दूर केल्या आहेत. गुगलने अपडेट केलेले Chrome ब्राऊझर युजर्ससाठी सुरक्षित असेल. त्यामुळे गुगलने देखील युजर्सना हे ब्राऊझर अपडेट करण्याचा सल्ला दिला होता. इंडियन कॉम्प्युटर इमर्जन्सी रिस्पॉन्स टीम (CERT-In) ने देखील युजर्सला गुगलचे Chrome ब्राऊझर अपडेट करण्याचा सल्ला दिला आहे. आपल्या डेटाबाबत चिंता असलेल्या युजर्स गुगल Chrome अपडेट करून आपल्या डिव्हाईसमध्ये इंस्टॉल करू शकतात.