कोरियाची आघाडीची ऑटोमेकर Hyundai ने त्यांच्या लोकप्रिय हॅचबॅक कार i20 चे दोन नवीन व्हेरिएंट लॉंच केले आहेत. हे दोन व्हेरिएंट आहेत - 1.2 CVT Asta (O) आणि 1.0 DCT Sportz. कंपनीने त्यांची किंमत अनुक्रमे 10.51 लाख आणि 9.76 लाख रुपये (एक्स-शोरूम, दिल्ली) ठेवली आहे. अलीकडेच या सेगमेंटची सर्वाधिक विक्री होणारी मारुती बलेनो नवीन फीचर्स आणि गिअरबॉक्ससह सादर करण्यात आली आहे. अशा परिस्थितीत ह्युंदाईने काही बदल करणे गरजेचे बनले आहे. होते.

आतापर्यंत, कारचे 1.2-लिटर इंजिन मॅन्युअल गिअरबॉक्ससह केवळ टॉप-स्पेक Asta (O) व्हेरिएंटमध्ये उपलब्ध होते. आता नवीन 1.2 CVT सादर केल्यामुळे, टॉप 1.2 लिटर व्हेरिएंटमध्येही ऑटोमॅटीक गिअरबॉक्सची मिळेल. त्याच वेळी, नवीन 1.0 DCT Sportz वर्जनमुळे आता टर्बो-पेट्रोल DCT पर्याय खालच्या ट्रिममध्ये देखील उपलब्ध असेल. Turbo DCT पूर्वी फक्त Asta आणि Asta(O) व्हेरिएंवर उपलब्ध होता.

अनेक नवीन फीचर्स..

नवीन व्हेरिएंट आणण्याव्यतिरिक्त, कंपनीने कारमध्ये अनेक नवीन फीचर्स देखील जोडली आहेत. उदाहरणार्थ, Sportz व्हेरिएंट आता ऑटोमॅटिक AC मिळतो, तर पूर्वी फक्त मॅन्युअल एसी होता. ऑटोमॅटिक एसी आत्तापर्यंत फक्त Asta व्हेरिएंटमध्ये उपलब्ध होता. वाहनामध्ये क्रूझ कंट्रोल देखील जोडण्यात आले आहे, जे पूर्वी फक्त Asta (O) व्हेरिएंटपुरते मर्यादित होते. याशिवाय, i20 Asta ट्रिमला आता एक सनरूफ देखील मिळतो, जो पूर्वी फक्त 1.0 iMT Asta मॉडेलवर होता.

Asta व्हर्जनमध्ये क्रूझ कंट्रोल जोडले गेले आहे, परंतु आता कनेक्ट केलेल्या कार फीचर्ससह 10.25-इंच डिस्प्लेऐवजी एक लहान 8.0-इंच टचस्क्रीन मिळते. दरम्यान, Asta(o) ला ब्लू लिंक सिस्टमसाठी काही अतिरिक्त व्हॉइस कमांड मिळतात. शेवटी, मॅग्ना व्हेरियंटवरील व्हील कव्हर्स आता सिल्वरऐवजी गन मेटल शेडमध्ये फिनिशसह दिण्यात आले आहेत.