Headphone Technology : नॉईज या हेडफोनच्या कंपनीने भारतात 'नॉईज टू' नावाचे वायरलेस हेडफोन लाँच केलेत. विशेष म्हणजे याला 50 तासांचा बॅटरी बॅकअप आहे. आणि हेडफोनची किंमत फक्त 1,499 रुपये इतकी आहे.

तुम्ही हा हेडफोन गो-नॉईज, अॅमेझॉन, फ्लिपकार्ट आणि मिंत्रा या ऑनलाइन शॉपिंग वेबसाईट वरून खरेदी करू शकतात. हा कंपनीचा तिसरा हेडफोन असून तो नॉइज वनचा सक्सेसर म्हणून सादर करण्यात आलाय.

या हेडफोन मध्ये बोल्ड ब्लॅक, कॅम व्हाईट आणि सेरेन ब्लू हे कलर ऑप्शन उपलब्ध आहेत. कंपनीचं म्हणणं आहे की हेडफोन कपमध्ये सॉफ्ट पॅडिंग आहे, ज्यामुळे युजर्स जास्त वेळ हेडफोन वापरू शकतात.

नॉईज टू एंट्री-लेव्हल युजर्ससाठी डिझाइन करण्यात आलाय. त्यामुळे यात हेडफोन अॅक्टिव्ह नॉइज कॅन्सलेशन आणि लॉसलेस ऑडिओ यासारखे हाय-एंड फीचर्स मिळत नाहीत. नॉईज कंपनीच्या म्हणण्यानुसार नॉईज टू हा एंट्री-लेव्हल हेडफोन आहे आणि युजर्स ब्लूटूथद्वारे कोणत्याही स्मार्टफोन, टॅबलेट किंवा पीसीला कनेक्ट करू शकतात.

विशेष म्हणजे या ओव्हर-इअर हेडफोन्स मध्येकोणत्याही अडथळ्याशिवाय 40ms लो लेटेन्सी सोबत 50 तासांचा प्लेटाईम मिळतो.लॅपटॉप आणि फोनला सोबतच कनेक्ट करता येईल. याशिवाय यात आणखीन एक खास फिचर आहे ते म्हणजे ड्युअल पेअरिंग मोड सपोर्ट. यात युजर हेडफोन एकाचवेळी फोन आणि लॅपटॉपला कनेक्ट करू शकतात. नॉइज टू ला वॉटर रेझिस्टन्ससाठी IPX5 रेटिंग आहे. म्हणजे तुम्ही जिम मध्ये घाम गाळताना सुद्धा हा हेडफोन घालू शकता.

हा हेडफोन प्लॅस्टिक बॉडीसह येतो, त्यामुळे हेडफोन कानात घालताना सोपं पडतं. पण प्लॅस्टिक बॉडीमुळे हा हेडफोन मजबूत असेल का ? असे ही प्रश्न विचारले जात आहेत. यात ऍडिशनल फीचर्स बद्दल बोलायचं झाल्यास हा हेडफोन चार प्ले मोडला सपोर्ट करतो, ज्यात ब्लूटूथ, AUX, SD कार्ड आणि FM चा समावेश आहे. हेडफोन्समध्ये चार्जिंगसाठी टाइप-सी पोर्ट आहे.