High Electricity Bill Reasons : तुमची वीजबिले कधी कल्पनेपेक्षा जास्त आली आहेत का? वीज वाचवत असूनही जास्त बिल येत असेल तर तुमच्या वीजमीटरमध्ये काहीतर गडबड किंवा चूक असण्याची शक्यता आहे. वीजमीटर योग्य आहे का, हे ओळखण्याचे आणि त्यावर उपाय शोधण्याचे सोपे मार्ग आम्ही सांगितले आहेत.

वीजबिल जास्त येण्याची कारणे काय?

भारतामध्ये वीजदर प्रादेशिक पातळीवर वेगवेगळे असतात. दर युनिटसाठी सरासरी 7 ते 9 रुपये आकारले जातात. जास्त वापरामुळे खर्च वाढतोच, पण कधीकधी कमी वीज वापर असूनही बिल जास्त येते. यामागे वीजमीटर चुकीचे किंवा वेगाने चालत असल्याची शक्यता असते.

तुमचे वीजमीटर चुकीचे आहे का कसे ओळखाल?

तुम्हाला वीजमीटर चुकीचे आहे असे वाटत असेल, तर घरीच त्याची अचूकता तपासण्यासाठी खालील पद्धत वापरा.

1. सर्व उपकरणे बंद करा: घरातील सर्व इलेक्ट्रॉनिक उपकरणे बंद करा.

2. सुरुवातीचा रीडिंग नोंदवा: वीजमीटरवरील वर्तमान रीडिंग लिहून ठेवा.

3. 1,000-वॉट उपकरण चालवा: 1,000 वॉट क्षमतेचे उपकरण (उदा. हीटर, बल्ब) अचूक एक तास चालवा.

4. शेवटचे रीडिंग नोंदवा: एका तासानंतरचे वीजमीटरवरील नवीन रीडिंग लिहा.

5. योग्य वीजमीटर: जर रीडिंगचा फरक एक युनिट (1 किलोवॉट-तास) असेल, तर वीजमीटर व्यवस्थित काम करत आहे.

6. चुकीचे वीजमीटर: जर रीडिंग जास्त असेल तर वीजमीटर वेगाने चालत आहे; जर कमी असेल तर वीजमीटर हळू चालत आहे.

वीज विभागाकडून अचूक चाचणी कशी करून घ्यावी?

जर तुम्हाला तुमचे वीजमीटर चुकीचे आहे असे वाटत असेल, तर वीज विभागाकडे तक्रार नोंदवा आणि अधिकृत चाचणीची मागणी करा. या सेवेसाठी लहानसा शुल्क आकारला जाऊ शकतो, पण यामुळे भविष्यात अनावश्यक जास्त बिलांपासून वाचता येईल. वेळोवेळी वीजमीटर तपासल्याने अनावश्यक खर्च टाळता येतो आणि योग्य बिलिंग सुनिश्चित करता येते.