आजच्या डिजिटल युगात मोबाईल हे केवळ कॉल्ससाठी न वापरता अनेक गरजा पूर्ण करणारे बहुउपयोगी साधन बनले आहे. त्यामुळे त्याची सुरक्षा, गती आणि सुविधा अपडेटेड ठेवणं काळाची गरज आहे. बऱ्याचदा लोक अपडेट्स तपासण्याचं विसरतात, पण काही सोप्या सेटिंग्ज करून आपण हा त्रास टाळू शकतो.

सॉफ्टवेअर अपडेट्स का गरजेचे?

1. सुरक्षिततेसाठी कवच – अपडेट्सद्वारे हॅकर्सपासून वाचवणारे सुरक्षा फिचर्स येतात.

2. गती व बॅटरी सुधारणा – नवीन सॉफ्टवेअर फोनचा स्पीड आणि बॅटरी लाइफ वाढवतो.

3. नवीन फीचर्स – यूजर इंटरफेस सुधारणा व नवे फिचर्स मिळतात.

4. बग फिक्सेस – जुन्या सिस्टीममध्ये असलेले त्रुटी दुरुस्त होतात.

तुमच्या Android फोनवर "ऑटो अपडेट्स" कसे सुरू करायचे?

1. Settings अ‍ॅप उघडा.

2. खाली स्क्रोल करून System वर टॅप करा.

3. नंतर System Update किंवा Software Update (ब्रँडनुसार वेगवेगळं असू शकतं) निवडा.

4. तिथे असलेलं गियर आयकॉन किंवा तीन डॉट्स मेनू वर क्लिक करा.

5. Auto-download over Wi-Fi किंवा Auto Update हा पर्याय ऑन करा.

यामुळे तुमचा फोन Wi-Fi शी कनेक्ट असेल तेव्हाच अपडेट्स डाउनलोड व इन्स्टॉल करेल म्हणजे डेटा वाचवता येईल

1. Google Play Store उघडा.

2. वरती उजव्या कोपऱ्यातील प्रोफाईल आयकॉन वर टॅप करा.

3. Settings > Network Preferences > Auto-update apps मध्ये जा.

4. तिथे Over Wi-Fi only हा पर्याय निवडा.

अधूनमधून मॅन्युअली अपडेट तपासा

जरी तुम्ही ऑटो अपडेट्स ऑन केल्या असल्या, तरीही कधी तरी विशेष अपडेट्ससाठी जसं की मोठं Android अपडेट किंवा सिक्युरिटी अलर्ट आल्यानंतर स्वतःहून एकदा तपासणं केव्हाही चांगलं

फक्त काही सोप्या सेटिंग्जमुळे भारतातील Android वापरकर्ते आपला फोन सतत सुरक्षित, जलद आणि अपडेटेड ठेवू शकतात. ना कोणतं विशेष ज्ञान, ना कोणतं अ‍ॅप फक्त मोबाईलच्या सेटिंग्जमध्ये थोडासा बदल आणि तुम्ही काळानुसार अपडेटेड राहू शकता