फोन वापरताना काही गोष्टींमुळे खूप त्रास होतो. पहिली गोष्ट म्हणजे फोनमध्ये इंटरनेट नीट येत नसेल तर दुसरं म्हणजे काही कामाच्या मधेच जाहिराती पुन्हा पुन्हा येऊ लागल्यावर. Android फोनवर वारंवार जाहिराती पाहणे खूप त्रासदायक आहे. पण चांगली गोष्ट अशी आहे की या जाहिराती कायमच्या ब्लॉक केल्या जाऊ शकतात.

जाहिराती तुमच्या सर्चवर आधारित असतात. तुम्ही काय सर्च करता ते पाहून गुगल त्याच्याशी संबंधित जाहिराती दाखवते. उदाहरणार्थ, जर तुम्ही फोनवर फिटनेस ट्रेनर शोधत असाल, तर काही वेळाने तुम्हाला त्याच्याशी संबंधित किंवा आहाराशी संबंधित जाहिराती दिसू लागतील. पण चांगली गोष्ट अशी आहे की अशी सेटिंग फोनमध्ये देखील उपलब्ध आहे, ज्यामुळे फोनवर जाहिराती देखील दिसणार नाहीत.

1. यासाठी तुम्हाला फोनच्या सेटिंग्जमध्ये जावे लागेल आणि त्यानंतर गुगलवर क्लिक करावे लागेल.

2. त्यानंतर तुम्हाला Manage Google Account हा पर्याय निवडावा लागेल.

3. त्यानंतर तुम्ही त्यावर क्लिक करताच तुम्हाला Data & Privacy चा पर्याय मिळेल.

4. यानंतर तुम्ही थोडे खाली स्क्रोल केल्यावर तुम्हाला 'पर्सनलाइज्ड अॅड्स' मिळतील. याच्या खाली,तुम्ही काय काय सर्च केलंय, ओपन केलंय हे दिसेल आणि जाहिरातीही दिसतील.

5. जाहिरातींच्या खाली तुम्हाला 'माय अॅड सेंटर' हा पर्याय दिसेल. तुम्ही त्यावर क्लिक करताच, तुमच्या समोर Personalized Ads चे टॉगल दिसेल, जे तुम्हाला बंद करावे लागेल.

6. आता Settings वर जा आणि Google वर क्लिक करा. त्यानंतर Delete Advertising ID वर टॅप करा आणि तो हटवण्याची परवानगी द्या. यानंतर तुम्हाला फोनवर कोणत्याही प्रकारची जाहिरात दिसणार नाही.