Hyundai Alcazar Car : ह्युंदाई मोटर इंडियाने आपल्या एसयूव्ही सेगमेंटमध्ये आणखी एक महत्वाची भर घालत 2024 अल्काझार लाँच केली आहे. या नव्या अल्काझारची सुरुवातीची किंमत 14.99 लाख रुपये (एक्स-शोरूम) आहे. महिंद्रा स्कॉर्पिओ-N, टाटा सफारी आणि एमजी हेक्टर प्लस या एसयूव्हींची ही कार थेट स्पर्धक ठरणार आहे.

ह्युंदाई मोटर इंडियाने एसयूवी सेगमेंटमधील ही कार लॉंच करत बाजी मारली आहे. अभिनेता शाहरुख खान या ब्रँड एसयूव्ही कारचे प्रमोशन करताना दिसत आहेत.

ह्युंदाई अल्काझार 2024 ही एक प्रीमियम 6/7-सीटर एसयूव्ही आहे, जी चार व्हेरियंट्समध्ये उपलब्ध आहे. त्यामध्ये एक्झिक्युटिव्ह, प्रेस्टिज, प्लॅटिनम आणि सिग्नेचर हे 4 व्हेरियंट्स आहेत. नवीन अल्काझारमध्ये बाह्य आणि अंतर्गत डिझाइनमध्ये अनेक सुधारणा करण्यात आल्या आहेत. या एसयूव्हीला नवीन गडद क्रोम ग्रिल, एलईडी हेडलॅम्प्स, आणि कनेक्टेड एलईडी टेललॅम्प्स देण्यात आले आहेत.

अल्काझारमध्ये 1.5-लिटर टर्बो पेट्रोल आणि 1.5-लिटर डिझेल इंजिनचे पर्याय उपलब्ध आहेत. या वाहनाची पेट्रोल आवृत्ती 17.5 kmpl पर्यंत मायलेज देईल, तर डिझेल आवृत्ती 20.4 kmpl पर्यंत मायलेज देऊ शकते.

क्लस्टर, 8-स्पीकर बोस साउंड सिस्टम, डिजिटल की, आणि स्मार्टसेन्स लेव्हल 2 ADAS तंत्रज्ञानासह 19 आधुनिक सुरक्षा वैशिष्ट्ये उपलब्ध आहेत. या वाहनाच्या सेफ्टी फीचर्समध्ये 6 एअरबॅग्स, इलेक्ट्रॉनिक स्टेबिलिटी कंट्रोल, आणि हिल-स्टार्ट असिस्ट कंट्रोल यांचा समावेश आहे.

ह्युंदाई अल्काझार 2024 साठी 3 वर्षांची अनलिमिटेड किलोमीटर वॉरंटी आणि रोड साइड असिस्टन्स ऑफर करण्यात येत आहे, ज्यात 7 वर्षांपर्यंत वाढवलेल्या वॉरंटीच्या पर्यायाचा समावेश आहे. ही कार नक्कीच कार प्रेमींना पसंतीस यावी अशी कार आहे. यंदाच्या वर्षातील ही multi फीचर एसयूव्ही ठरण्याचा अंदाज आहे.