रेडॉन Sakal
विज्ञान-तंत्र

झूम : दमदार मायलेजसाठी ‘रेडॉन’

भारतात सर्वसामान्य ग्राहकांना किंमत, खिशाला परवडणाऱ्या, नजरेत भरणाऱ्या उठावदार दुचाकी बाजारात आणण्याचे मोठे आव्हान कंपन्यांसमोर असते.

प्रणीत पवार

भारतात सर्वसामान्य ग्राहकांना किंमत, खिशाला परवडणाऱ्या, नजरेत भरणाऱ्या उठावदार दुचाकी बाजारात आणण्याचे मोठे आव्हान कंपन्यांसमोर असते. टीव्हीएसनेही सुरुवातीला ११० सीसी श्रेणीत स्टार सिटी, स्पोर्ट्स या दुचाकी बाजारात आणल्या. टीव्हीएसने २०१८मध्ये रेडॉन ही दुचाकी भारतात दाखल केली. या दुचाकीला मिळालेला प्रतिसाद पाहून काही महिन्यांपूर्वी रेडॉन ‘ड्युअल टोन’ रंगप्रकारात कंपनीने बाजारात आणली. या गाडीची राईड केल्यानंतर ११० सीसी श्रेणीत रेडॉन ‘लंबी रेस का घोडा’ ठरू शकते, एवढे नक्कीच म्हणता येईल.

अधिक मायलेज, थोडीशी स्टायलीश आणि आरामदायी दुचाकींना ग्रामीण भागात चांगला प्रतिसाद मिळतो. टीव्हीएसची रेडॉनही याच अनुषंगाने अर्धशहरी आणि ग्रामीण भागातील दुचाकीप्रेमींची गरज लक्षात घेऊन बाजारात आणली आहे. २०१८मध्ये आलेल्या या दुचाकीत कंपनीने अनेक बदल केले. नुकताच ११० सीसी श्रेणीत पहिल्यांदाच टीव्हीएसने रेडॉन ‘ड्युअल टोन’ पर्यायात आणली.

लाल/निळा+काळा अशा दुहेरी रंगात ही दुचाकी आता पूर्वीप्रमाणेच अधिक आकर्षक दिसू लागली आहे. रेडॉनचे तसे तीन व्हेरिएंट, त्यातील ड्युअल टोनमध्ये डिस्क ब्रेक आणि ड्रम ब्रेक असे दोन प्रकार. यातील ड्युअल टोन ड्रम प्रकाराची एक्स शेरूम किंमत ७१ हजार, तर डिस्क ब्रेक प्रकाराची किंमत ७४ हजार आहे. बाजारात दाखल झाल्यापासून आतापर्यंत चार लाखाहून अधिक रेडॉन विक्री झाल्या आहेत. रेडॉनची सर्व प्रकारच्या रस्त्यांवर राईडचा अनुभव चांगला होता.

रेडॉन का घ्यावी?

१) दमदार इंजिन : रेडॉनमध्ये १०९.७ सीसी क्षमतेचे ४ स्ट्रोक ड्युरालाईफ इंजिन दिले असून, जे ८.०८ बीएच पॉवर, ८.७ एनएम टॉर्क निर्माण करते. एकूणच इंजिनचे स्पेसिफिकेशन साधारण वाटत असले, तरी तिची रस्त्यावरील कामगिरी दमदार ठरते. तत्काळ स्पीड घेत असल्याने ओव्हरटेकिंगला जास्त कष्ट पडत नाहीत.

२) अधिक मायलेज : रेडॉनमध्ये इको थ्रस्ट फ्युएल इंजेक्शन सिस्टिम देण्यात आली असून, त्यामुळे १५ टक्के अधिक मायलेज मिळतो, असा दावा कंपनीतर्फे करण्यात आला. १० लिटरचा इंधन टाकी, त्यात ७० किमी प्रतिलिटर मायलेजचा दावा टीव्हीएसने केला आहे. रेडॉनची राईड करत पूर्ण वेगात चालवल्यानंतरही ही गाडी ६५ ते ७०च्या आसपास मायलेज नक्कीच देते.

३) आरामदायी प्रवास : ८०० मिलिमीटर उंच, लांब आणि समान आसन-व्यवस्थेमुळे रेडॉनवरील प्रवास आरामदायी होतो. सॉलिड सस्पेन्शन्समुळे धक्केही बसत नाहीत. १८ इंची चाकांमुळे रस्त्यावर अतिवेगातही स्थिर राहता येते. या गाडीची रस्त्यावरील पकडही चांगली आहे.

४) सिंक्रोनाइज्ड ब्रेकिंग टेक्नॉलॉजी : हल्ली स्कूटरमध्ये कॉम्बो ब्रेकिंग सिस्टिम देण्यात येते. रेडॉनमध्ये यासारखीच आधुनिक सिंक्रोनाईज्ड ब्रेकिंग टेक्नॉलॉजी दिली असून, ज्यामुळे दुचाकी तत्काळ नियंत्रित होते. पाठीमागील ब्रेक दाबल्यानंतर पुढील ब्रेकही त्याचवेळी लागतो.

५) आकर्षक स्टाइल : कमीत कमी ग्राफिक्समध्येही ही गाडी अधिक उठावदार दिसते. सुरक्षित प्रवासासाठी एलईडी डीआरएल, कारप्रमाणेच सर्व वैशिष्ट्यांनी युक्त स्पीडोमीटर, हेडलाईटवरील क्रोम इफेक्ट, गोल आणि क्रोम इफेक्टसह आरसे, इंधन टाकीवर थाय पॅड डिझाईन, स्क्रॅचेसपासून सुरक्षितता म्हणून युनिक इम्पॅक्ट रेझिस्टन्स डिझाईन रेडॉनच्या सौंदर्यात भर घालते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Bitcoin All Time High: बिटकॉइनने गाठला नवा उच्चांक; एका बिटकॉइनसाठी किती रुपये द्यावे लागणार?

Crime News : मुलांना जेवणातून द्यायची झोपेच्या गोळ्या, मग प्रियकर यायचा अन्..., बीनाने अडथळा ठरणाऱ्या पतीचा 'असा' काढला काटा

Artificial Intelligence: 'जमीन, जागांवरील अतिक्रमण रोखण्यासाठी आता ‘एआय’चा वापर'; विकसित महाराष्ट्र-२०४७ साठी ‘महसूल’चे सर्वेक्षण

Donald Trump: मित्रप्रेमासाठी ब्राझीलला आयातशुल्काचा दणका; ट्रम्प यांचा निर्णय, माजी अध्यक्ष बोल्सेनारोंवरील कारवाई अमान्य

Pune News : लग्नानंतर वर्षातच न्यायालयात जाणाऱ्याला दणका; न्यायाधीशांनी घटस्फोटाचा अर्ज फेटाळला

SCROLL FOR NEXT