iPhone 17 Launch : Apple च्या आगामी iPhone 17 मालिकेबाबत तंत्रज्ञान प्रेमींपैकी मोठी उत्सुकता पाहायला मिळत आहे. नवे डिझाईन, कॅमेरा मॉड्यूलमधील बदल, आणि स्लीम किंवा एअर मॉडेलची शक्यता यामुळे हा आयफोन Apple च्या फ्लॅगशिप मालिकेसाठी नवा पर्याय ठरू शकतो. 2025 च्या सप्टेंबर महिन्यात या सीरिजचे लॉन्च अपेक्षित असून त्याआधीच लीक झालेल्या माहितींनी उत्सुकता शिगेला पोहोचवली आहे.
iPhone 17 मध्ये मागील पॅनेलवरील आयकॉनिक चौकोनी कॅमेरा मॉड्यूलच्या जागी एक आडवा कॅमेरा पट्टा दिसण्याची शक्यता आहे. लोकप्रिय टिपस्टर Digital Chat Station च्या लीकनुसार, हा कॅमेरा पट्टा Google Pixel फोनसारख्या स्लीक डिझाईनमध्ये असेल. यामध्ये अल्ट्रा-वाइड-अँगल लेंस, अपग्रेडेड हार्डवेअर, आणि Apple च्या प्रगत Face ID तंत्रज्ञानाचा समावेश असण्याची शक्यता आहे.
Leak मध्ये दाखवलेल्या iPhone 17 Slim मॉडेलच्या फ्रेममध्ये मध्यमागी अल्ट्रा-वाइड-अँगल लेंस दिसू शकतो, जो Face ID सेन्सर्ससाठीही जागा निर्माण करतो. हा डिझाईन फक्त सौंदर्यदृष्टिकोनातून नसेल तर फंक्शनल बदल देखील असेल, असे म्हटले जात आहे.
iPhone 17 Pro आणि Pro Max मॉडेल्समध्ये डायनॅमिक आयलंड अधिक लहान आणि परिष्कृत स्वरूपात येईल, असा अंदाज आहे. तसेच, Pro मॉडेल्सच्या फ्रेमसाठी सध्या वापरण्यात येणारा टायटॅनियम ऐवजी अ‍ॅल्युमिनियम फ्रेम वापरण्याची शक्यता व्यक्त केली जात आहे.
Apple च्या मालिकेबाबत आणखी एक महत्त्वाचा अंदाज म्हणजे Plus मॉडेल बंद होऊन त्याऐवजी नवीन Slim किंवा Air मॉडेल बाजारात येऊ शकते. हे मॉडेल अधिक स्लीम डिझाईन आणि नाविन्यपूर्ण वैशिष्ट्यांसह सादर होऊ शकते, ज्यामुळे अधिक व्यापक ग्राहकवर्गाला आकर्षित करण्याचा Apple चा प्रयत्न आहे.
तसे पाहता, Apple ने या लीकबाबत अधिकृत माहिती दिलेली नाही. मात्र, iPhone 17 ही मालिका डिझाईन, हार्डवेअर, आणि तंत्रज्ञान यामध्ये महत्त्वपूर्ण बदल घडवून आणण्याची क्षमता असेल.
नवीन कॅमेरा मॉड्यूल हे आडवे डिझाईन अधिक सुव्यवस्थित आणि फंक्शनल असेल. स्लिम मॉडेलची शक्यता आहे. ज्यामध्ये एअर किंवा Slim मॉडेलद्वारे नवीन ग्राहकांना आकर्षित करण्याचा उद्देश. प्रो मॉडेल्समध्ये अ‍ॅल्युमिनियम फ्रेमचा वापर होऊ शकतो.
2025 मध्ये लॉन्च होणारी iPhone 17 मालिका Apple च्या फ्लॅगशिप श्रेणीसाठी नवा मापदंड ठरू शकते, ज्यामध्ये डिझाईनच्या नाविन्याबरोबरच प्रगत तंत्रज्ञानाचा समावेश असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.