JioHotstar Domain Owner : jiohotstar.com डोमेनच्या स्टोरीने आश्चर्यकारक वळण घेतले आहे. कारण यूएईमध्ये राहणाऱ्या दोन तरुण भावंडांनी, जैनम आणि जिविका, आता वेबसाइटच्या मालकीचा दावा केला आहे. जिओसिनेमा आणि डिस्ने+ हॉटस्टार यांच्यातील विलीनीकरणाच्या पार्श्वभूमीवर साइटच्या संभाव्यतेचा फायदा घेण्याची आशा असलेल्या दिल्लीस्थित डेवलपरने सुरुवातीला विकत घेतले होते.
दिल्लीतील एका अॅप डेवलपरने गेल्या वर्षी ‘जिओहॉटस्टार’ नावाने एक डोमेन विकत घेतले, ज्याद्वारे जिओसिनेमा आणि डिज्नी+ हॉटस्टार यांच्यातील संभाव्य विलीनीकरणाचा फायदा घेण्याचा त्याचा विचार होता. हा डेवलपर आता रिलायन्सकडे या डोमेनच्या बदल्यात त्याच्या परदेशातील शिक्षणासाठी आर्थिक सहाय्य मागत आहे.
जिओसिनेमा आणि डिज्नी+ हॉटस्टारचे विलीनीकरण अंतिम टप्प्यात असून लवकरच हे दोन्ही प्लॅटफॉर्म एकाच अॅपमध्ये उपलब्ध होण्याची शक्यता आहे. मात्र, या घोषणेच्या आधीच एका विकसकाने ‘जिओहॉटस्टार’ नावाने डोमेन विकत घेतल्यामुळे रिलायन्ससमोर नवीन अडचण उभी राहिली आहे. विकसकाने रिलायन्सला पत्र लिहून ही डोमेन विक्रीसाठी एक अनोखी अट घातली आहे.
दिल्लीतील या 28 वर्षीय मध्यमवर्गीय तरुणाने रिलायन्सला जिओहॉटस्टार डोमेन विकण्यासाठी अट घातली आहे की कंपनीने त्याच्या परदेशातील शिक्षणाचा खर्च उचलावा. त्याचे स्वप्न आहे की त्याला केंब्रिज विद्यापीठात शिक्षण घेण्याची संधी मिळावी. या विलीनीकरणाद्वारे त्याला ह्या संधीचा लाभ घेता येईल, असे त्याने स्पष्ट केले.
पीटीआयच्या एका प्रश्नाच्या उत्तरात, त्या डेवलपरने सांगितले की, रिलायन्सकडून अद्याप कोणताही प्रतिसाद मिळालेला नाही. त्याला शंका आहे की कंपनी त्याच्या मागणीला मान्यता देईल, परंतु सकारात्मक उत्तर मिळाल्यास तो खूप आनंदी होईल. काही कायदे तज्ञांनी असे सुचवले की, हा केस त्याच्या बाजूने जिंकण्याची शक्यता आहे, परंतु एका मोठ्या कॉर्पोरेट कंपनीशी कायदेशीर लढाई भारतात सुरू करणे ताणदायक ठरू शकते. त्याला आशा आहे की रिलायन्स या प्रकरणावर संवेदनशील विचार करेल आणि त्याला काही प्रमाणात सवलत देऊन ही डोमेन खरेदी करेल.
एका वृत्त संस्थेला दिलेल्या मुलाखतीत या डेवलपरने आपली थोडक्यात ओळख दिली. तो दिल्लीतील एक सामान्य मध्यमवर्गीय तरुण असून, त्याचे वडिल सरकारी नोकरीत तर आई गृहिणी आहेत. त्याने एका स्टार्टअपमध्ये काम केले आहे, ज्यात तो वापरकर्त्यांच्या वैयक्तिकतेवर आधारित चित्रपट शिफारसीचे अल्गोरिदम तयार करत होता.
त्याच्या शिक्षणासाठी त्याला आर्थिक अडचणींमुळे संधी मिळाली नाही, परंतु 2021 साली त्याने केंब्रिजमध्ये एक लहान कोर्स पूर्ण केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.