Mobile Overheating Problem : स्मार्टफोन हा आजकाल लोकांच्या जीवनाचा एक महत्त्वाचा भाग बनला आहे. कॉल करण्यापासून ते ऑनलाइन पेमेंटपर्यंत, आजकाल आपण सर्व छोट्या-मोठ्या कामांसाठी आपल्या स्मार्टफोनवर अवलंबून असतो. फोनच्या गंभीर समस्यांपैकी एक म्हणजे त्याचे वारंवार गरम होणे. जड गेम खेळताना आणि ब्राउझिंग करताना जवळपास सर्वच फोन थोडे गरम होतात, पण फोन खूप गरम होत असेल तर समजून घ्या की समस्या आहे.

काही वेळा चार्जिंगच्या वेळीही फोन गरम होतो. स्मार्टफोन जास्त गरम होणे हे धोकादायक असू शकते, यामुळे तुमच्या फोनची बॅटरी देखील फुटू शकते. मात्र ही गंभीर समस्या देखील अगदी सोपे उपाय करुन सोडविली जाऊ शकते. तुमच्या फोनच्या स्टोरेजमध्येच उपाय दडलेले आहेत. आम्ही तुम्हाला अशाच काही सेटिंग्जबद्दल जाणून घेणार आहोत, ज्याच्या मदतीने तुम्ही तुमच्या फोनची परफॉर्मंस सुधारू शकता आणि सतत गरम होण्याच्या समस्येवर उपाय करु शकता.

स्मार्टफोन का गरम होतो?

• स्मार्टफोनमध्ये अधिक अॅप्लिकेशन्स, गेम्स किंवा इतर सॉफ्टवेअर डाउनलोड केल्यामुळे ही समस्या उद्भवते.

• फोनचे कम्युनिकेशन युनिट आणि कॅमेरा देखील उष्णता निर्माण करतात.

• अनेक फोन चार्जिंग दरम्यान गरम होतात तर काही फोन ब्राउझिंग दरम्यान खूप गरम होतात आणि काही फोन कॉलिंग दरम्यान देखील गरम होतात.

• फोन जास्त गरम होतोय? हे उपाय करुन पाहा

अनावश्यक फंक्शन बंद करा

आजकाल अनलिमिटेड डेटामुळे मोबाईल इंटरनेट नेहमीच चालू असते. त्याचप्रमाणे लोकेशन किंवा जीपीएस, ब्लूटूथ, वायफाय अशी अनेक फंक्शन्स सुरु ठेवली जातात. ही फंक्शन्स सतत चालू ठेवल्याने बॅटरीवर दबाव येतो आणि फोन गरम होतो.

एकाच वेळी अनेक Apps वापरणे

फोनच्या बॅकग्राऊंडला एकाच वेळी अनेक Apps चालत असल्यामुळेही असे होऊ शकते. फोनची रॅम मेमरी वेळोवेळी क्लिअर करत राहा.

फोन नियमित अपडेट करत रहा

फोनचे Apps वेळोवेळी अपडेट करत राहा. त्यासोबतच तुमच्या फोनचे सॉफ्टवेअर नियमित अपडेट करा. असे केल्याने फोन जास्त गरम होण्याची समस्या दूर होईल