Mahindra Electric Car : महिंद्रा (Mahindra) ग्रुप लवकरत इलेक्ट्रिक फोर व्हीलर (Electric Vehicle) सेगमेंटमध्ये एन्ट्री करण्याच्या तयारीत आहे. महिंद्रा अँड महिंद्रा समूहाचे अध्यक्ष आनंद महिंद्रा (Anand Mahindra) यांनी 11 फेब्रुवारी रोजी या मोठ्या योजनेची घोषणा केली आहे. आनंद महिंद्रा यांनी त्यांच्या अधिकृत ट्विटर अकाऊंटवरून एक टीझर पोस्ट केला आहे, कंपनी येत्या काही महिन्यांत तीन नवीन इलेक्ट्रिक वाहने आणण्याच्या तयारीत आहे. आनंद महिंद्रा यांनी स्वतः ट्विट करून त्याची पहिली झलक दाखवली.

आनंद महिंद्रा यांनी शेयर केलेल्या व्हिडिओ टिझरमध्ये नवीन इलेक्ट्रिक एसयूव्हीची झलक पाहायला मिळत आहे. कंपनी जुलै 2022 पर्यंत भारतात इलेक्ट्रिक कार लॉन्च करण्याच्या तयारीत आहे. महिंद्रा कंपनीचे हे पहिले इलेक्ट्रिक वाहन (Electric Vehicle) असेल. महिंद्रा बॉर्न इलेक्ट्रिक बजेट सेगमेंट आणि कॉम्पॅक्ट एसयूव्ही फॉर्म फॅक्टरमध्ये असेल.

ब्रिटनच्या ऑक्सफर्डशायर मध्ये डिझाइन

ही इलेक्ट्रिक एसयूव्ही ऑक्सफोर्डशायर, यूकेमध्ये डिझाइन केली गेली आहे. त्याचा टीझर पोस्ट करत आनंद महिंद्रा यांनी ट्विट केले की, "आम्ही संपूर्ण नवीन जगाची कल्पना करत आहोत आणि या नवीन जगात जन्म घेणारी पहिली मुले अस्वस्थ होत आहेत..."

महिंद्राची नवीन इलेक्ट्रिक SUV टाटा मोटर्स (Tata Motors) च्या EV Nexon आणि मारुती सुझुकी सारख्या भारतीय ब्रँड्स तसेच Hyundai आणि MG Motor सारख्या बड्या कंपन्यांना टक्कर देईल, ज्यांनी आधीच इलेक्ट्रिक वाहने बाजारपेठेत लॉंच केली आहेत.

महिंद्राची इलेक्ट्रिक XUV300

या नवीन इलेक्ट्रिक वाहनांव्यतिरिक्त (EVs), महिंद्रा आपली SUV XUV300 देखील इलेक्ट्रिकमध्ये बदलत आहे. काही रिपोर्ट्सनुसार Mahindra XUV300 इलेक्ट्रिक या वर्षाच्या अखेरीस लॉन्च होईल. दरम्यान इलेक्ट्रिक दुचाकी आणि चारचाकी वाहनांच्या विकासासाठी महिंद्राने हिरो इलेक्ट्रिकशी भागीदारी देखील केली आहे.