Maruti Suzuki baleno Car booking Opens : मारुती सुझुकीने अपडेटेड बलेनो प्रीमियम हॅचबॅकसाठी बुकिंग सुरू केले आहे जे लवकरच लॉन्च होणार आहे. तुम्ही Nexa आउटलेट आणि Nexa वेबसाइटला भेट देऊन 11000 रुपयांमध्ये नवीन Baleno बुक करू शकता. याशिवाय, कंपनीने असेही म्हटले आहे की नवीन बलेनो इमर्सिव्ह ड्रायव्हिंग एक्सपिरिएंससाठी हेड-अप डिस्प्ले (HUD) देखील वापरेल.

कारच्या नवीन किंमतीबाबत मारुती सुझुकी (Maruti Suzuki) ने अद्याप कोणतीही माहिती दिलेली नाही. 2022 मारुती सुझुकी बलेनो फेब्रुवारीच्या शेवटी लॉच केली जाऊ शकते. 2022 मारुती सुझुकी बलेनो आउटगोइंग मॉडेलच्या तुलनेत अपडेट केलेल्या डिझाइनसह येत आहे. यासोबतच यात आणखी अनेक अपडेटेड फीचर्स मिळणार आहेत.

फीचर्स

फेसलिफ्टेड बलेनोला इंटिग्रेटेड एलईडी डीआरएलसह पूर्ण एलईडी हेडलॅम्प मिळतील. तसेच, क्रोम इन्सर्टसह अपडेटेड ग्रिल असेल. बलेनोला सुधारित एलईडी फॉग लाइट्स, एअर डॅम आणि रीमास्टर केलेला फ्रंट बंपर देखील मिळेल. पूर्वीच्या रिपोर्टमध्ये असे म्हटले होते की बलेनोला नवीन अलॉय व्हील्स, रॅपराऊंड टू-पीस एलईडी टेललाइट्स, हाय-माउंट स्टॉप लॅम्पसह इंटिग्रेटेड स्पॉयलर, शार्क-फिन अँटेना आणि रिडिझाइन केलेला रिफ्लेक्टर रियर बंपर यासारख्या एक्सटर्नल इलेमेंट्सनी अपग्रेड केले जाईल.

इंजिन

इंजिनबद्दल बोलायचे झाले तर तेच 1.2-लीटर पेट्रोल इंजिन नवीन बलेनोमध्ये दिले जाण्याची शक्यता आहे. हे इंजिन 5-स्पीड मॅन्युअल युनिट आणि CVT युनिटसह येईल. लॉन्च झाल्यावर, नवीन बलेनो थेट Hyundai i20, Tata Altroz, Toyota Glanza तसेच Honda Jazz सारख्या वाहनांशी स्पर्धा होणार आहे. 2022 मारुती सुझुकी बलेनोच्या बुकिंगची घोषणा करताना, मारुती सुझुकी इंडिया लिमिटेडचे ​​वरिष्ठ कार्यकारी संचालक (विपणन आणि विक्री) शशांक श्रीवास्तव म्हणाले की, बलेनोने भारतात प्रीमियम हॅचबॅकची व्याख्या नव्याने मांडली आहे. त्यांनी असेही म्हटले की, 10 लाखांहून अधिक युनिट्सच्या विक्रीसह, कार प्रीमियम हॅचबॅक सेगमेंटमध्ये राज्य करते आणि सातत्याने देशातील टॉप 5 सर्वाधिक विकल्या जाणाऱ्या कार्समध्ये आहे.