तुम्ही नवीन कार घेण्याचा विचार करत असाल, तर तुमच्यासाठी एक चांगली संधी निर्माण झाली आहे. प्रसिद्ध कार उत्पादक कंपनी MG ने आपल्या लोकप्रिय गाडीच्या किंमतीत मोठी कपात केली आहे. हेक्टर आणि हेक्टर+ या दोन्ही कारच्या सर्व मॉडेल्सच्या किंमतीत घट करण्यात आली आहे.

ऑटोकार या वेबसाईटने याबाबतचं वृत्त प्रसिद्ध केलं आहे. मिळालेल्या माहितीनुसार, MG Hector कारच्या किंमतीत जास्तीत जास्त 1.29 लाखांपर्यंतची घट झाली आहे. तर, MG Hector Plus या कारच्या किंमतीत 1.37 लाख रुपयांपर्यंतची घट केली आहे. दोन्ही एसयूव्हीच्या डिझेल व्हेरियंटमध्ये ही कपात केली आहे.

किती कमी झाली किंमत?

एमजी हेक्टरच्या बेस व्हेरियंटची किंमत पूर्वी 15 लाख रुपये होती. ही आता कमी होऊन 14.73 लाख रुपये झाली आहे. म्हणजेच यामध्ये 27 हजार रुपयांची कपात करण्यात आली आहे. या मॉडेलच्या टॉप व्हेरियंटची किंमत पूर्वी 22.72 लाख रुपये होती. ही आता कमी होऊन 21.51 लाख रुपये झाली आहे. म्हणजेच यामध्ये 1.21 लाख रुपयांची कपात करण्यात आली आहे.

एमजी हेक्टर प्लस

हेक्टर प्लसच्या बेस व्हेरियंटची जुनी किंमत 18 लाख रुपये होती. ही आता कमी होऊन 17.50 लाख रुपये झाली आहे. म्हणजेच यामध्ये 50 हजार रुपयांची कपात करण्यात आली आहे. या मॉडेलच्या टॉप व्हेरियंटची किंमत 23.58 लाख रुपये होती. ही आता कमी होऊन 22.21 लाख रुपये झाली आहे. म्हणजेच, यामध्ये तब्बल 1.37 लाख रुपयांची कपात करण्यात आली आहे.

वरच्या सर्व किंमती एक्स शोरूम आहेत. हेक्टरच्या दोन्ही मॉडेलमध्ये 143hp क्षमतेचं 2.0 लीटरचं डिझेल इंजिन दिलं आहे. यामध्ये 6 स्पीड मॅन्युअल गिअरबॉक्स मिळतो. या एसयूव्हीमध्ये कित्येक हायटेक फीचर्स मिळतात. गाडीचा खप वाढवण्यासाठी किंमत कमी करण्याचा निर्णय घेतला असल्याचं म्हटलं जात आहे.