पावसाळा सुरू झाला की एक तक्रार कायम दिसून येते - ती म्हणजे वीज जाण्याची. आपल्याकडे कित्येक ठिकाणी थोडासा पाऊस जरी आला, तरी बराच वेळ वीज गायब केली जाते. अशा वेळी जर फोन किंवा लॅपटॉप चार्ज नसतील, तर आणखी वैताग येतो.

जनरेटर हा यावर चांगला पर्याय आहे. मात्र याची किंमतही जास्त असते, आणि त्याला ठेवण्यासाठी भरपूर जागाही लागते. त्यामुळेच आम्ही तुम्हाला आज एका अशा जनरेटरबद्दल माहिती देणार आहोत, जो अगदी छोटासा आहे. मात्र, याची तुम्हाला मोठी मदत होऊ शकते.

कोणता आहे जनरेटर

आम्ही ज्या जनरेटरबद्दल सांगत आहोत, त्याचं नाव SARRVAD Portable Solar Power Generator S-150 असं आहे. आकाराने छोटा असल्यामुळे हा जनरेटर अगदी छोट्या जागेतही मावतो. तसंच हा उचलून दुसरीकडे नेण्यासाठी देखील सोपा आहे.

क्षमता आणि किंमत

या जनरेटरची क्षमता 42000mAh 155Wh एवढी आहे. याचं वजन अवघं 1.89 किलो आहे. विशेष म्हणजे हा जनरेटर तुम्ही सोलर पॅनलच्या मदतीने चार्ज करू शकता. या जनरेटरची किंमतही अवघी 19 हजार रुपये आहे. जर इन्व्हर्टरशी तुलना केली, तर ही किंमत अगदीच वाजवी आहे.

काय-काय होईल चार्ज?

तुम्ही या जनरेटच्या मदतीने लॅपटॉप, रेडिओ, पॉवरबँक, मोबाईल अशा गोष्टी आरामात चार्ज करू शकता. याच्या मदतीने तुम्ही एक आयफोन सुमारे दहा ते १२ वेळा चार्ज करू शकता.