आपल्यापैकी प्रत्येकाचे कधीतरी स्वतःची कार घेण्याचे स्वप्न असते, परंतु बजेटच्या कमतरतेमुळे कित्येकांचे हे स्वप्न पूर्ण होत नाही. मात्र आता मारुती सुझुकी आणि महिंद्रा फायनान्स (Mahindra Finance) ने क्विकलिज (Quiklyz) च्या मदतीने एक योजना आणली आहे, ज्याच्या मदतीने ग्राहक स्वस्तात मासिक सबस्क्रिप्शन प्लॅनवर कार त्यांच्या घरी घेऊन जाऊ शकतात. याचा सामान्यांना काय फायदा होईल जाणून घेऊया..

या शहरांचा असेल समावेश

मारुती सुझुकीचा हा सबस्क्रिप्शन प्रोग्राम सध्या देशातील 20 शहरांमध्ये उपलब्ध असणार आहे. ज्यामध्ये दिल्ली-एनसीआर, बंगळुरू, हैदराबाद, पुणे, मुंबई, चेन्नई, अहमदाबाद, जयपूर, इंदूर, मंगलोर, म्हैसूर आणि कोलकाता या शहरांचा समावेश आहे.

ग्राहकांना त्यांची ठराविक मुदत संपेपर्यंत त्यांच्या पसंतीचे वाहन परत करणे, किंवा नवीन मॉडेल खरेदी तसेच अपग्रेड करण्याचा पर्याय निवडता येईल. ग्राहक क्विकलीज प्लॅटफॉर्मद्वारे त्यांच्या पसंतीचे वाहन घेऊन जाऊ शकतात. वाहन भाड्याने घेतलेल्या कालावधीसाठी, ग्राहकाला वाहन बदलणे, दुसरे निवडणे, परत करणे किंवा नवीन मॉडेलमध्ये अपग्रेड करण्याचा पर्याय उपलब्ध असेल.

ही योजना 2020 पासून सुरू आहे

MSIL ने जुलै 2020 मध्ये त्याचा सबस्क्रिप्शन प्रोग्राम सुरू केला, ज्या अंतर्गत ग्राहक मासिक सबस्क्रिप्शन प्लॅनवर मारुती सुझुकीची वाहने त्यांच्या घरी भाड्याने घेऊ शकतात. कंपनीने चालवलेल्या या योजनेत तुम्हाला महिन्याला ठराविक किंमत देऊन कार तुमच्या घरी घेऊन जाता येईल आणि कालावधी संपल्यानंतर तुम्ही ती परत करू शकता किंवा ठराविक किंमत पुन्हा भरल्यानंतर तुम्ही कार तुमच्याकडे ठेवू शकता.

मारुती सुझुकी इंडियाचे मार्केटिंग आणि सेल्सचे वरिष्ठ कार्यकारी संचालक शशांक श्रीवास्तव यांनी सांगितले की, आम्ही आमच्या ग्राहकांकडून मिळालेल्या माहिती आणि फीडबॅकवर आधारित आमचा वाहन सबस्क्रिप्शन प्रोग्राम सतत अपग्रेड करत आहोत. यामुळे आम्हाला कोलकाता सारख्या नवीन बाजारपेठांमध्ये मारुती सुझुकीची सबस्क्रिप्शन वाढवण्यास आणि महिंद्रा फायनान्सच्या सहकार्याने Quicklys सह भागीदारी करण्यास प्रोत्साहन मिळाले आहे.