New Smartphone Launch in January 2025 : स्मार्टफोन प्रेमींसाठी नवीन वर्षाची सुरुवात धमाकेदार होणार आहे. OnePlus 13 हा ब्रँड नवा फ्लॅगशिप स्मार्टफोन 7 जानेवारी 2025 रोजी सायंकाळी 9 वाजता भारतात लाँच होणार आहे. अनेक प्रगत फिचर्ससह हा स्मार्टफोन ग्राहकांसमोर येणार आहे. OnePlus 12 च्या तुलनेत अनेक महत्त्वाच्या सुधारणा या डिव्हाइसमध्ये करण्यात आल्या आहेत. या नव्या मॉडेलमधील पाच प्रमुख वैशिष्ट्यांवर एक नजर टाकूया.

खास फीचर्स

OnePlus 13 मध्ये नवीनतम Snapdragon 8 Elite चिपसेट वापरण्यात आला आहे, जो 40% अधिक CPU परफॉर्मन्ससह GPU आणि AI कॅपेबिलिटीजमध्ये मोठी सुधारणा करतो. हा स्मार्टफोन OxygenOS 15 वर कार्यरत असेल, जे Android 15 आधारित आहे, आणि त्यामुळे वापराचा अनुभव अत्यंत गतीमान आणि सोपा असेल.

OnePlus 13 मध्ये आधीची डिझाइन कायम ठेवत Vegan Leather फिनिश आणि ग्लास वेरिएंटचा पर्याय देण्यात आला आहे. याला IP69 रेटिंग असणार आहे, ज्यामुळे हा स्मार्टफोन पाणी व धुळीपासून सुरक्षित असेल. टिकाऊपणाच्या बाबतीत हा बाजारातील सर्वोत्तम फोन ठरण्याची शक्यता आहे.

अत्याधुनिक डिस्प्ले आणि कॅमेरा

OnePlus 13 मध्ये फ्लॅट डिस्प्ले डिझाइनचा अवलंब करण्यात आला आहे, जो ग्राहकांना अधिक चांगला अनुभव देतो. LTPO पॅनेलमुळे उच्च रिझोल्युशन आणि रिफ्रेश रेट मिळेल, ज्यामुळे व्हिज्युअल अनुभव अधिक सुलभ होईल. Aqua Touch फिचरच्या मदतीने ओली झालेली स्क्रीनसुद्धा सहज वापरता येईल, जे सर्व हवामानात उपयुक्त ठरणार आहे.

OnePlus 13 च्या कॅमेरा सेटअपमध्ये अनेक सुधारणा करण्यात आल्या आहेत. यात 50MP टेलीफोटो सेन्सर 3x ऑप्टिकल झूमसह, 50MP अल्ट्रा-वाइड लेन्स आणि Hasselblad ट्यूनिंगचा समावेश असेल. यामुळे फोटोग्राफीचा अनुभव अधिक चांगला होईल.

फास्ट चार्जिंग आणि मोठी बॅटरी

6,000mAh ची दमदार बॅटरी OnePlus 13 मध्ये मिळणार आहे, जी OnePlus 12 च्या तुलनेत मोठे अपग्रेड आहे. Snapdragon 8 Elite चिपसेटच्या मदतीने बॅटरी अधिक काळ टिकेल. तसेच 100W फास्ट चार्जिंग कायम राहील, ज्यामुळे फोन काही मिनिटांत पूर्ण चार्ज होईल.

लाँच तारीख आणि वेळ

OnePlus 13 भारतात 7 जानेवारी 2025 रोजी रात्री 9 वाजता लाँच होणार आहे. या डिव्हाइससाठी टेकप्रेमींमध्ये मोठी उत्सुकता आहे. OnePlus च्या अधिकृत वेबसाईटवरून याची पुष्टी करण्यात आली आहे.