Bumble uses AI to detect Fake Accounts : आजकाल तंत्रज्ञानामुळे नवीन मित्र-मैत्रीण शोधणं किंवा डेटिंग करणं सोपं झालं आहे. मात्र, कित्येक डेटिंग अॅप्सवर मोठ्या प्रमाणात फेक आणि स्पॅम प्रोफाईल असल्यामुळे त्यांचा वापर करणं नकोसं वाटतं. बम्बल या प्रसिद्ध डेटिंग अॅपने यावर उपाय शोधण्यासाठी एआयची मदत घेतली आहे. हा प्रयत्न मोठ्या प्रमाणात यशस्वी झाल्याचंही कंपनीने स्पष्ट केलं आहे. (Online Dating)
बम्बल कंपनीने सांगितलं, की त्यांनी डेटिंगला अधिक सुरक्षित बनवण्यासाठी 'डिसेप्शन डिटेक्टर फीचर'चा (Deception Detector Feature) वापर केला. या फीचरच्या वापरानंतर 95 टक्के फेक, स्पॅम किंवा स्कॅम प्रोफाईल आपोआप ब्लॉक करण्यात आल्या. तसंच यानंतर एकूण स्पॅम आणि फेक अकाउंट्सच्या रिपोर्टमध्ये 45 टक्के घट झाल्याचंही दिसून आल्याचं कंपनीने स्पष्ट केलं. (Online Dating Scam)
डेटिंग अॅप्स वापरताना यूजर्सना सर्वात जास्त भीती फेक प्रोफाईलकडून होणाऱ्या फसवणुकीची असते. बम्बलने घेतलेल्या सर्वेक्षणात सुमारे 46 टक्के यूजर्सनी याबाबत माहिती दिली आहे. आपल्याला मॅच झालेली व्यक्ती खरी आहे की फेक अकाउंट आहे हे ओळखता न येणं डेटिंग अॅप्सवरील मुख्य समस्या असल्याचं बम्बलने म्हटलं आहे. (Artificial Intelligence)
टेक क्रंचने दिलेल्या एका रिपोर्टनुसार, 2022 साली केवळ डेटिंग स्कॅममुळे झालेल्या फसवणुकीत 1.3 बिलियन डॉलर्सचं नुकसान झालं आहे. सरासरी एका व्यक्तीला 4,400 डॉलर्सचा फटका अशा स्कॅममध्ये बसला आहे. याबाबत बम्बलच्या सीईओ लिडियान जोन्स यांनीही चिंता व्यक्त केली आहे. (Safer Internet Day)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.