Sam Altman Marriage Pics : ओपनएआय कंपनीचे सीईओ सॅम अल्टमन यांनी लग्न केलं आहे. एका छोटेखानी समारंभात त्यांनी ऑलिव्हर मुलहेरिन या आपल्या बेस्ट फ्रेंडसोबत लग्नगाठ बांधली. या समलैंगिक विवाह सोहळ्याला केवळ कुटुंबीय आणि काही जवळचे मित्र उपस्थित होते. (Open AI CEO)

सॅम अल्टमन यांच्या घराजवळच हा विवाह सोहळा पार पडला. यानंतर त्यांच्या विवास सोहळ्यातील फोटो सोशल मीडियावर व्हायरल होत आहेत. (Sam Altman marries Oliver Mulherin)

कोण आहे ऑलिव्हर?

सॅम यांचे पार्टनर ऑलिव्हर हे त्यांचे बऱ्याच वर्षांपासूनचे जवळचे मित्र आहेत. त्यांचे मित्र त्यांना ऑली नावाने ओळखतात. या लग्न सोहळ्याला दोघांनी मॅचिंग पांढऱ्या रंगाचे शर्ट घातले होते. सोबतच दोघांनीही हलक्या बेज रंगाची पँट आणि पांढरे स्निकर्स घातले होते.

ऑस्ट्रेलियाचे असणारे ऑलिव्हर यांनी मेलबर्न विद्यापीठातून सॉफ्टवेअर इंजिनिअरिंगची पदवी घेतली आहे. ते प्रोग्रामर म्हणून काम करतात. गेल्या वर्षी सॅम यांनी एका मुलाखतीत खुलासा केला होता की ते आणि ऑलिव्हर हे सॅन फ्रान्सिस्कोमध्ये एकत्र राहतात.