जर तुम्ही 5G फोन घेण्याचा विचार करत असाल तर एक दमदार 5G स्मार्टफोन बाजारात येत आहे. Oppo Reno 8Z 5G हा फोन उद्या म्हणजेच 4 ऑगस्ट रोजी बाजारात दाखल होण्यासाठी सज्ज आहे. काही लिक्समधून या डिव्हाइसचे अपेक्षित प्रोसेसर, रॅम आणि स्टोरेज तपशील उघड केले आहेत आणि आता एका नवीन अपडेटमध्ये, Oppo Reno 8Z 5G चे फोटो देखील समोर आले आहेत, ज्यामध्ये फोनचे डिझाइन आणि इतर फीचर्स देखील समोर आले आहेत.

हा फोन दोन कलर ऑप्शनमध्ये दिसत आहे आणि LED फ्लॅशसह मागील बाजूस ट्रिपल रिअर कॅमेरा सेटअप मिळण्याची शक्यता आहे. हा फोन क्वालकॉमच्या स्नॅपड्रॅगन 695 चिप सह येण्याची शक्यता आहे. Oppo Reno 8Z 5G हा 4 ऑगस्ट रोजी लॉन्च होईल.

टिपस्टर पारस गुगलानी (@passionategeekz) ने MobileTalk च्या सहकार्याने Oppo Reno 8Z 5G चे डिझाइन उघड करणारा फोटो लीक केला आहे. हा फोन 4 ऑगस्ट रोजी निवडक जागतिक बाजारपेठांमध्ये लॉन्च केला जाईल.

Oppo Reno 8Z 5G अलीकडेच तैवानमधील गीकबेंच बेंचमार्किंग वेबसाइट आणि नॅशनल कम्युनिकेशन्स कमिशन (NCC) वेबसाइटवर दिसला होता. गीकबेंच लिस्टींगनुसार, स्मार्टफोन ऑक्टा-कोर क्वालकॉम स्नॅपड्रॅगन 695 चिपद्वारे समर्थित असेल आणि यामधेये 8 जीबी रॅम देखील मिळेल. हे आउट-ऑफ-द-बॉक्स Android 12 वर चालू शकते.

NCC लिस्टींगमध्ये Oppo Reno 8Z 5G वर 33W फास्ट चार्जिंगसाठी सपोर्टसह 4500mAh बॅटरी मिळण्याची शक्यता आहे. यात 3.5 मिमी हेडफोन जॅक, यूएसबी टाइप-सी पोर्ट आणि तळाशी स्पीकर ग्रिल समाविष्ट असल्याचे सांगितले जाते. हा फोन तीन 6GB+128GB, 8GB+128GB आणि 8GB+256GB इंटरनल मेमरी आणि रॅम कॉन्फिगरेशनमध्ये उपलब्ध असण्याची शक्यता आहे.