जगभरात प्रसिद्ध असणारी पोकेमॉन गो गेम आता भारतात हिंदीमध्ये लाँच झाली आहे. भारतात या गेम्सचे यूजर्स वाढवण्यासाठी निअ‍ॅन्टिक कंपनीने हा निर्णय घेतला आहे. यामुळे ही गेम आता इंग्रजीसह हिंदी भाषेलाही सपोर्ट करेल.
Pokemon GO हे अ‍ॅप गुगल प्ले स्टोअर आणि अ‍ॅपलच्या अ‍ॅप स्टोअरवर उपलब्ध आहे. हिंदी ही आशियातील सहावी सर्वाधिक वापरली जाणारी भाषा आहे, तर जगातील 15व्या क्रमांकाची वापरली जाणारी ही भाषा आहे. यामुळेच गेमचे यूजर्स वाढवण्यासाठी कंपनीने हा निर्णय घेतला आहे.
या गेममध्ये असलेल्या सर्व सूचना आणि अगदी पोकेमॉनची नावं देखील हिंदीमध्ये असणार आहेत. सर्व 800 लोकप्रिय पोकेमॉन्सची नावं हिंदीमध्ये करण्यात येणार असल्याचं निअ‍ॅन्टिकने स्पष्ट केलं आहे.
कंपनीच्या अधिकाऱ्यांनी सांगितलं, की भारतात आपली टीम वाढवण्यासाठी निअ‍ॅन्टिक प्रयत्न करत आहे. हिंदी ही केवळ सुरूवात आहे. भविष्यात आणखी भारतीय भाषांमध्ये देखील ही गेम उपलब्ध करण्याचा विचार कंपनी करू शकते.
या वेळी 'जर्नी ऑफ वन ड्रीम' ही पोकेमॉनवर आधारित शॉर्ट फिल्मही रिलीज करण्यात आली. ही शॉर्ट फिल्म हिंदी, तेलुगू आणि बंगाली भाषांमध्ये उपलब्ध करण्यात आली आहे. पोकेमॉन एशिया या पोकेमॉनच्या अधिकृत यूट्यूब चॅनलवर ही फिल्म उपलब्ध आहे.
18 आणि 19 सप्टेंबर रोजी दिल्लीमध्ये पोकेमॉन फेअरचं आयोजन करण्यात आलं आहे. मॉल ऑफ इंडियामध्ये ही पोकेमॉन जत्रा पार पडेल. याठिकाणी लहान मुलांना पोकेमॉनबद्दल माहिती दिली जाईल. तसंच, मुलं कित्येक मर्चंडाईज देखील खरेदी करू शकणार आहेत. यासोबतच मुलांना या गेमचीही माहिती दिली जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.