थ्रेड्स लाँच झाल्यामुळे आधीच चिंतेत असलेल्या इलॉन मस्कचं टेन्शन आता आणखी वाढलं आहे. सॅटेलाईट इंटरनेट सेवा पुरवणाऱ्या स्टारलिंक या कंपनीला आता अमेझॉन टक्कर देणार आहे. स्वतःची इंटरनेट सेवा सुरू करण्यासाठी अमेझॉनने २१० मिलियन डॉलर्सची गुंतवणूक केली आहे.
अमेझॉनने काही दिवसांपूर्वी अशी घोषणा केली होती, की नासाच्या कॅनडी स्पेस सेंटरमध्ये ते १२० डॉलरच्या निधीची गुंतवणूक करणार आहेत. याठिकाणी सॅटेलाईट कंस्ट्रक्शन फॅसिलिटी बनवण्यासाठी ही गुंतवणूक करण्यात येणार आहे. इलॉन मस्कच्या स्टारलिंक कंपनीला टक्कर देण्यासाठीच्या योजनेचा हा भाग असल्याचं अमेझॉनने स्पष्ट केलं होतं. (Amazon Satellite Internet)
अमेझॉनने या प्रकल्पाचं नाव प्रोजेक्ट कुईपर (Amazon Project Kuiper) असं ठेवलं आहे. यामध्ये पृथ्वीच्या अंतराळ कक्षेत 3,200 हून अधिक सॅटेलाईट सोडले जातील. या सॅटेलाईटच्या माध्यमातून जगभरातील दुर्गम भागांमध्ये इंटरनेट पुरवले जाईल. पुढील वर्षी हा प्रोजेक्ट लाँच होऊ शकतो, अशी माहिती कुईपर प्रॉडक्शन ऑपरेशन्सचे उपाध्यक्ष स्टीव्ह मेटायर यांनी दिली.
अमेझॉनकडे कॅनडी स्पेस सेंटरमधील फॅसिलिटीव्यतिरिक्त वॉशिंग्टनच्या किर्कलँडमध्ये आणखी एक प्रॉडक्शन युनिट आहे. या वर्षीच्या अखेरीस तिथे काम सुरू होईल. यानंतर सॅटेलाईट फायनल चाचणीसाठी फ्लोरिडाला पाठवण्यात येतील. ब्लू ओरिजिन आणि युनायटेड लाँच अलायन्स (ULA) चे रॉकेट वापरून हे सॅटेलाईट लाँच केले जातील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.