औरंगाबाद: बाजारात सध्या बहुतेक स्मार्टफोन हाय-रिझोल्यूशन, मोठे डिस्प्ले, शक्तिशाली प्रोसेसर आणि अधिक मेमरीसह येतात. त्यांचे काम मल्टी टास्कींग असून ते कार्य सहजतेने पूर्ण करणे हे आहे. त्यामुळे फोनची बॅटरी दिवसभर चालविण्यासाठी बरंच कष्ट घ्यावं लागत असेल. जर तुमच्या मोबाईलची बॅटरी वाढवायची असेल तर नक्की वाचा.

1. बॅटरीच्या तापमानावर लक्ष ठेवा-
बॅटरीचे तापमान अधिक असतानाही मोबाइलचा वापर करणे बऱयाचदा अडचणी वाढवू शकतात. यामुळे बॅटरीची लाईफ कमी होते. कमी तापमानात मोबाइलचा वापर केला तर त्याची लाइफ सायकल चांगली राहते. त्यामुळे मोबाइल उष्णतेपासून दूर ठेवण्याचा प्रयत्न केला पाहिजे.

2. मोफत ऍपपासून सावध
जाहिरातींसह आलेले अ‍ॅप्स आपल्या टॅबची किंवा मोबाइलच्या बॅटरीचे आयुष्य सरासरी 2.5 ते 2.1 तासांनी कमी करू शकते. हा दावा काही अमेरिकन संशोधकांनी केला आहे. अभ्यासानुसार, फोनचा प्रोसेसर त्याच्या मेंदूसारखा आहे. ऍपमधील जाहिरातीत या मेंदूचे काही भाग देखील वापरतात ज्यामुळे बॅटरी लाइफवर परिणाम होतो.

3) लोकेशन ट्रॅकींग बंद करा-
काही अहवालात दावा करण्यात आला आहे की, जीपीएस मॉड्यूलचा वापर वारंवार वापरकर्त्याच्या स्थानाचा मागोवा ठेवत असल्याने फेसबुक मोबाइलच्या बॅटरीवर परिणाम करते. अशा परिस्थितीत, आपल्या लोकेशनची आवश्यकता नसलेल्या अ‍ॅप्सचे लोकेशन ट्रॅकिंग बंद केल्यास निश्चितच मदत होईल.

5) डिस्प्लेची ब्राइटनेस कमी ठेवा-
हा नियम लॅपटॉप आणि मोबाइला लागू होतो. तुम्ही जर तुमच्या डिस्प्लेचा ब्राइटनेस कमी ठेवला तर त्याचा मोठा फायदा बॅटरी लाइफ वाढवण्यासाठी मदत होते.