सॅमसंगची बहुप्रतीक्षित गॅलेक्सी एस-23 सीरिज नुकतीच भारतात लॉन्च करण्यात आली. ‘गॅलेक्सी अनपॅक्ड’ या मेगा इव्हेंटमध्ये सॅमसंगने गॅलेक्सी एस-23, गॅलेक्सी एस-23 प्लस आणि गॅलेक्सी एस-23 अल्ट्रा हे तीन स्मार्टफोन लॉन्च केले. या स्मार्टफोनमधील खास फीचर्सबाबत थोडक्यात...

खास FHD+ Dynamic AMOLED डिस्प्ले आणि Qualcomm Snapdragon 8 Gen 2 प्रोसेसर असलेले हे तिन्ही स्मार्टफोन अॅण्ड्रॉईड 13 वरील OneUI 5.1 ने सुसज्ज आहेत. या तिन्ही स्मार्टफोनपैकी एस-23 आणि एस-23 प्लसमधील बहुतांश फीचर्स सारखे असून केवळ डिस्प्ले साईजमध्ये थोडाफार फरक आहे. दोन्ही फोनमध्ये 50 मेगापिक्सल क्वाड कॅमेरा सेटअप आणि 12 मेगापिक्सल सेल्फी कॅमेरा मिळतो; मात्र सर्वाधिक लक्ष वेधून घेतलंय ते एस-23 अल्ट्राने.

या स्मार्टफोनमध्ये 6.8 इंची FHD+ Dynamic AMOLED डिस्प्ले आणि तब्बल 200 मेगापिक्सल क्वाडकॅमेरा सेटअप तोही ऑप्टिकल इमेज स्टॅबिलायझेशनसह. त्यामुळे फोटोग्राफीचा द नेक्स्ट लेव्हल एक्सपेरियन्स मिळतो. फ्रंट कॅमेऱ्यातील रात्रकालीन फोटोग्राफीसाठी खास नायटोग्राफी मोड, अवकाशातील तारे-तारका टिपण्यासाठी अॅस्ट्रोमोड आणि ड्युएल पिक्सल ऑटो फोकसमुळे अचूक सेल्फी काढता येतात.

उत्तम ग्राफिक्स, अडाप्टिव्ह व्हिजन बूस्टर आणि अत्याधुनिक व्हेपर कुलिंग चेंबरमुळे गॅलेक्सी एस-23 मध्ये गेमिंगचा अफलातून अनुभव मिळतो.