सातारा : फेसबुकचे अधिकृत इन्स्टाग्राम (Instagram) आता मुलांसाठी नवीन अ‍ॅप आणत आहे. आधीपासूनच आपल्या मोबाईलमध्ये असलेल्या इन्स्टाग्राममध्ये हे नवीन व्हर्जन दिसणार आहे. हे अ‍ॅप 13 वर्षाखालील मुलांसाठी असेल, असा खुलासा इन्स्टाग्राम प्रॉडक्टचे उपाध्यक्ष विशाल शाह यांनी बझफिडला (BuzzFeed) दिलेल्या मुलाखतीत केला आहे. शहा यांच्या म्हणण्यानुसार, इन्स्टाग्रामवर दोन व्हर्जन असतील. एक व्हर्जन 13 वर्षांपेक्षा कमी वयाच्या मुलांसाठी, तर आणखी एक व्हर्जन 13 वर्षांपेक्षा जास्त वयाच्या तरुणांसाठी असेल, असेही त्यांनी स्पष्ट केले.

लहान मुलांसाठीही येणार Instagram

सध्या 13 वर्षाखालील मुलांना इन्स्टाग्राम वापरण्याची कोणतीही परवानगी ​​नाही. त्यामुळे मुले त्यांचे पालक किंवा व्यवस्थापकाच्या देखरेखीखाली इन्स्टाग्राम वापरू शकतात. BuzzFeed च्या अहवालानुसार, मुलांसाठी तयार करण्यात आलेल्या इंस्टाग्राम व्हर्जनचे काम इन्स्टाग्रामचे प्रमुख अ‍ॅडम मोसेरी (Adam Mosseri) हे पाहणार आहेत. मात्र, या व्हर्जनचे नेतृत्व फेसबुकचे उपाध्यक्ष पवनी दिवाणजी (Pavni Diwanji) करणार आहेत. ज्यांनी यापूर्वी यूट्यूब किड्सचे नेतृत्व केले आहे. तसेच, इन्स्टाग्रामवर पॅरेंटल कंट्रोल देण्याचीही तयारी सुरू असल्याचे इन्स्टाच्या प्रमुखांनी सांगितले.

खुशखबर! लाँच झालं Instagram Lite; आता कमी इंटरनेट स्पीड आणि कमी RAM वरही चालणार इंस्टाग्राम

मुलांसाठी स्वतंत्र Instagram आणण्याचे कारण काय?

सोशल मीडिया प्लॅटफॉर्मवर मुलांवरील गुन्हेगारीत वाढ होत असून याचा परिणाम मुलांकडून आक्षेपार्ह पोस्ट व्हायरल होत असल्याचा आरोप होत आहे. तसेच सोशल मीडिया प्लॅटफॉर्मवर मुलांविरूद्ध सामग्री (हक्क) काढण्याचा दबाव देखील वाढत आहे. यूके बेस्ट नॅशनल सोसायटी फॉर द प्रिव्हेंशन ऑफ क्रुएलिटी टू चिल्ड्रेनच्या मतानुसार, इन्स्टाग्रामवर मुलांसंदर्भात सर्वात जास्त प्रकरण आढळली आहेत. गेल्या तीन वर्षांत त्यात लक्षणीय वाढ झाली असून अशा परिस्थितीत सोशल मीडिया प्लॅटफॉर्मवर मुलांसाठी स्वतंत्र अ‍ॅप्स तयार करण्याचा दबाव वाढत आहे.

जुने फोन, लॅपटॉप विकताना या गोष्टी लक्षात ठेवा, अन्यथा होऊ शकते मोठे नुकसान