Sell Old Cooler online : उन्हाळा सुरु झाल्यानंतर कित्येक घरांमध्ये नवीन कूलर किंवा एसी येतो. अशा वेळी जुन्या कूलरला बरेच लोक थेट भंगारात देऊन मोकळे होतात. तुम्हीदेखील जुना कूलर फेकून देण्याच्या विचारात असाल, तर थोडं थांबा. कारण आजकाल काही वेबसाईट्वर तुम्हाला याच कूलरची चांगली किंमत मिळू शकते.

तुमच्या जुन्या कूलरची बॉडी अगदीच खराब झाली असेल, तर त्याला विकून टाकणंच चांगला पर्याय आहे. या माध्यमातून मिळालेली रक्कम तुम्हाला नवीन कूलर किंवा एसी घेण्यासाठी देखील फायद्याची ठरते. यासाठीच आम्ही तुम्हाला काही टिप्स देणार आहोत.

ओएलएक्स

तुमचा जुना कूलर जर काही प्रमाणात काम करत असेल, तर त्याला OLX वेबासाईटवर विकू शकता. यासाठी तुम्हाला कूलरचे चांगले फोटो काढून या वेबसाईटवर अपलोड करावे लागतील. तसंच त्याची अपेक्षित किंमतही सांगावी लागते. यानंतर ज्या व्यक्तीला हा कूलर घ्यायचा असेल, ती व्यक्ती तुमच्याशी संपर्क साधेल.

तुमचा कूलर जर आजिबातच काम करत नसेल, तर त्यासाठी देखील एक चांगला पर्याय उपलब्ध आहे. स्क्रॅप अंकल या वेबसाईटवर तुम्ही आपल्या कूलरची माहिती देऊ शकता. याठिकाणी देखील तुम्हाला जुन्या कूलरची चांगली किंमत मिळेल.

जुन्या कूलरमधील पार्ट्स

जुन्या कूलरला विकण्यापूर्वी त्यातील पार्ट्स तपासून घेणं गरजेचं आहे. यातील फॅनची मोटर, पाणी सप्लाय करण्याची मोटर, कडेन्सर असे कित्येक पार्ट्स तुम्ही वेगळे काढून विकू शकता. याचाही तुम्हाला मोठ्या प्रमाणात फायदा होईल.