ब्रिटनमधील युनिव्हर्सिटी ऑफ सरेमधील संशोधकांनी अतिशय पातळ आणि लवचिक सौर पॅनेल विकसित केले आहे. या सौर पॅनेलच्या साहाय्याने येत्या काही वर्षांमध्ये वातावरणातील प्रकाश आणि उष्णता शोषून घेऊन त्यांच्या मदतीने घराला ऊर्जा देऊ शकणारा स्मार्ट वॉलपेपर उपलब्ध केला जाईल, असा दावा संशोधकांनी केला आहे.
हा सौर पॅनेल पतंगाच्या डोळ्यांच्या रचनेपासून प्रेरणा घेऊन विकसित करण्यात आला आहे. मंद प्रकाशातही तो 90 टक्के कार्य क्षमतेने काम करू शकतो. संशोधकांनी ग्रॅफेन वापरून हा सौर पॅनेल तयार करण्याचे ठरविले. त्यानंतर त्यांनी प्राणी अंधाराचा सामना कसा करतात, हे जाणून घेतले.
या वेळी डोळ्यातील सूक्ष्म रचनेमुळे पतंग अतिशय अंधूक प्रकाशातही पाहू शकतात व ते त्यासाठी जास्तीत जास्त प्रकाश शोषत असल्याचे आढळले. संशोधकांनी याच रचनेचा वापर करून ग्रॅफेनचा समावेश असलेले पातळ सौर पॅनेल बनवले. या पॅनेलपासून वाया जाणारा प्रकाश किंवा उष्णता शोषणारा स्मार्ट वॉलपेपर विकसि त होऊ शकतो.
प्राध्यापक रवी सिल्वा म्हणाले,""भविष्यातील स्मार्ट वॉलपेपर किंवा स्मार्ट विंडोजच्या मदतीने वाया जाणाऱ्या प्रकाशापासून वीज निर्माण करता येऊ शकेल. ग्रॅफेनची विद्युत सुवाहकता अधिक असल्याने त्याचा वापर केला. सध्या अस्तित्वात असलेल्या किंवा उगवत्या तंत्रज्ञानामध्ये या सौर पॅनेलचा वापर करणे हा आमच्यासाठी पुढील टप्पा असेल.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.