Smartphone Brightness Issue: अनेकजण स्मार्टफोन वापरताना ब्राइटनेस नेहमी जास्त ठेवतात. यामुळे व्हिजिबिलिटी चांगली मिळते व व्हीडिओ पाहताना, गेम खेळताना देखील आनंद मिळतो. तुम्ही जर ऑनलाइन काही वाचत असाल तर अशावेळी ब्राइटनेस जास्त असल्यास नक्कीच फायदा होतो. परंतु, जास्त ब्राइटनेस ठेवल्यामुळे नुकसान देखील होऊ शकते. यामुळे तुमचा फोन खराब होण्याची शक्यता आहे. ब्राइटनेस जास्त ठेवल्यामुळे कोणती समस्या निर्माण होऊ शकते, याविषयी जाणून घेऊया.

हे ही वाचा : सीमावादात रक्त सांडायला मराठी माणूसच का?

बॅटरी होईल खराब

फुल ब्राइटनेस ठेवून स्मार्टफोन वापरल्यास बॅटरी लाइफ कमी होईल. ब्राइटनेस जास्त असल्यामुळे बॅटरी लवकर संपते. ब्राइटनेसमुळे बॅटरी लाइफवर परिणाम होतो. याशिवाय, ब्राइटनेस फुल ठेवल्यास अनेकदा स्मार्टफोन हँग होण्याची देखील शक्यता आहे. कारण, यामुळे प्रोसेसरवरील दबाब वाढतो.

डिस्प्ले होऊ शकतो खराब

नियमितपणे ब्राइटनेस जास्त ठेवल्यास तुमच्या स्मार्टफोनचा डिस्प्ले देखील खराब होऊ शकतो. जास्त ब्राइटनेसमुळे डिस्प्लेचे नुकसान होते व तुम्हाला फोन वापरता येणार नाही. अशा स्थितीत नवीन डिस्प्लेसाठी तुमच्या खिशावर भार पडेल.

वारंवार फोन करावा लागेल चार्ज

फूल ब्राइटनेसमुळे बॅटरी लाइफ कमी होण्याची तर शक्यता असतेच. मात्र यामुळे तुम्हाला वारंवार फोन चार्ज करावा लागू शकतो. गेम खेळताना अथवा व्हीडिओ पाहताना ब्राइटनेस जास्त असल्यास नेहमीच्या तुलनेत बॅटरी लवकर संपेल. अशा स्थितीत अवघ्या काही तासांमध्ये तुम्हाला फोन पुन्हा चार्ज करावा लागेल.

बॅटरी ओव्हरहीटिंग

बॅटरी ओव्हरहीटिंगबद्दल तुम्ही अनेकदा ऐकले असेल. अनेकदा फोन अचानक गरम होतो. ही समस्या फोन जास्त वापरल्यामुळे, बॅटरी खराब असल्यामुळे आणि ब्राइटनेस फुल ठेवल्यामुळे निर्माण होते. या समस्यांपासून सुटका हवी असल्यास ब्राइटनेसला मीडियमवर सेट करू शकता. तुम्ही फोनच्या ब्राइटनेसला ऑटोवर देखील सेट करू शकता. यामुळे गरजेनुसार ब्राइटनेस आपोआप कमी जास्त होईल.