mobile 
विज्ञान-तंत्र

वेगावर ट्रॅक... स्पीडोट्रॅक!

किरण कारंडे : सकाळ वृत्तसेवा
मुंबई : मुंबईचे घाईगर्दीचे रस्ते असोत किंवा हायवेला वाऱ्याशी होणारी स्पर्धा, बाईक किंवा कारच्या वेगाची माहिती घेणे, त्यांचे ठिकाण शोधणे व अपघाताची माहिती नातेवाइकांना मिळणे स्पीडोट्रॅक या ऍप्लिकेशनमुळे शक्‍य होणार आहे.

मुंबईतील सिद्धेश गावडे व कुलदीप मौर्य या तरुणांनी अवघ्या 10 तासांत स्पीडोट्रॅक तयार केले. त्यांच्या "टीम फायरब्लेड'ने या प्रकल्पावर काम करण्याचे ठरवल्यानंतर त्यांचे चार ते पाच तास संकल्पना निश्‍चित करण्यातच गेले. मग त्यांनी चर्चेतून ट्रॅकिंग ऍप्लिकेशन असा आपल्या कामाचा फोकस निश्‍चित केला आणि त्यांनी कामाला सुरुवात केली. त्यांनी 10 तासांत ऍप्लिकेशनचे प्रोटोटाईप मॉडेल तयार केले.

व्हीजेटीआय टेक्‍नोवान्झा फेस्टिव्हलमध्ये एम इंडिकेटर ऍप्लिकेशनच्या ट्रान्स्पोर्ट हॅकॅथॉन स्पर्धेंतर्गत हे यश गावडे व कुलदीप यांनी मिळवले. या स्पर्धेत 400 संघांनी सहभाग घेतला होता. त्यापैकी 58 संघ स्पर्धेसाठी निवडण्यात आले होते. इतर स्पर्धकांनी ओला, उबेर यांचा कुरिअरचा वापर करणे, काळ्या-पिवळ्या टॅक्‍सीसाठी ऍप्लिकेशन, इच्छित स्थळी पोहचण्याआधीच ऍप्लिकेशनवर ऍलर्ट अशा संकल्पना मांडल्या होत्या.

या ऍप्लिकेशनद्वारे वाहनाचे रस्त्यावरचे नेमके ठिकाण कोणते याची माहिती मिळवण्यासाठी जीपीएस प्रणालीचा वापर होईल. वाहनाच्या वेगाची माहितीही हे ऍप्लिकेशन देईल. वाहनाचा वेग वाढल्यानंतरही त्याबाबतची माहिती हे ऍप देईल. मोबाईल सेन्सरमुळे वाहनाला अपघात झाल्यानंतर त्याची आणि गाडीचा वेग कमी झाल्यास त्याचीही माहिती हे ऍप देईल.

अनेकदा एकाच कंपनीच्या गाड्या, ट्रक एकाच मार्गावर धावतात. लॉंग ड्राईव्हला एकत्रित निघालेले बाईकस्वारही मोठ्या रस्त्यांवर मागे-पुढे असतात. अशा वेळी आपल्या सहकाऱ्याची तंतोतंत माहिती मिळवण्यासाठी या ऍपचा उपयोग होऊ शकेल, असे सिद्धेशने सांगितले. एखादे वाहन किती वेगाने धावत आहे, ते त्याच्या ताफ्यातील वाहनांपेक्षा किती मागे आहे, याबाबतचा तपशीलही ऍपद्वारे मिळेल, असाही विश्वास त्याने व्यक्त केला.

सरकारलाही उपयुक्त
सरकारी यंत्रणेला वाहनांचा डेटाबेस देण्यासाठीही या ऍप्लिकेशनचा वापर महत्त्वपूर्ण ठरू शकतो. वाहतूक कोंडी, रस्त्यांची दुरवस्था, सिग्नलचे अडथळे, टोल नाके यांमुळे वाहनांच्या वेगावर होणारा परिणाम यांचीही माहिती हे ऍप देईल. वाहनांची संख्या, ठरावीक रस्त्यांवरील नियमित ट्रॅफिक यांचीही माहिती ते देईल.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Bengal sports minister resigns : कोलकातामध्ये मेस्सीच्या कार्यक्रमात उडालेल्या गोंधळानंतर अखेर बंगालचे क्रीडामंत्र्यांनी दिला राजीनामा!

IPL 2026 Auction live : Mumbai Indians ची अन्य फ्रँचायझीकडून होतेय कोंडी! आकाश अंबानींच्या चेहऱ्यावर निराशा... Memes Viral

IPL 2026 Auction Live : राजस्थानमधील १९ वर्षीय पोराच्या डोक्यावर CSK ने ठेवला हात! मोजले तब्बल १४ कोटी; Who is Kartik Sharma?

द फॅमिली मॅन फेम अभिनेत्याची ड्रग तस्करी प्रकरणात तुरुंगात रवानगी; फिल्म इंडस्ट्रीतील ओळखीचा करत होता गैरवापर

Mumbai: आता ऑनलाइन अपॉइंटमेंट, आरोग्य माहिती आणि प्रमाणपत्रे एका नंबरवर मिळणार! बीएमसीकडून हेल्थ चॅटबॉट सेवा सुरू, नागरिकांना दिलासा

SCROLL FOR NEXT