Telegram New Features : टेलिग्रामने आपल्या कोट्यवधी वापरकर्त्यांसाठी एक महत्त्वाचे अपडेट आणले आहे. या नव्या अपडेटमध्ये अनेक उपयुक्त फीचर्स समाविष्ट करण्यात आले असून, स्पॅम कमी करण्यावर भर देण्यात आला आहे. याशिवाय वापरकर्त्यांना नवीन गिफ्टिंग पर्याय उपलब्ध करून देण्यात आले आहेत जे टेलिग्रामचा अनुभव अधिक मनोरंजक बनवतील.

स्पॅम टाळण्यासाठी "Star for new messages" फीचर

Telegram Premium वापरकर्त्यांसाठी एक नवं खास फीचर आणलं आहे Star for new messages. या फीचरद्वारे वापरकर्ते आपल्या संपर्क यादीबाहेरील लोकांकडून संदेश मिळवण्यासाठी निश्चित शुल्क (Stars) ठरवू शकतात. यामुळे अनावश्यक संदेश कमी होतील, इनबॉक्स क्लीन राहील आणि युजर्सना Telegram Stars द्वारे कमाई करण्याची संधी मिळेल.

"Contact Confirmation" फीचर

टेलिग्रामवर अनोळखी व्यक्तीकडून आलेल्या संदेशांवर अधिक नियंत्रण मिळवण्यासाठी Contact Confirmation हे नवं फीचर जोडण्यात आलं आहे. या फीचरमुळे जेव्हा कोणी नवीन व्यक्ती तुम्हाला संदेश पाठवते, तेव्हा एक माहितीपत्रक स्क्रीनवर दिसेल. या पेजवर पाठवणाऱ्या व्यक्तीची काही महत्त्वाची माहिती उपलब्ध असेल, जसे की

• त्या व्यक्तीचा देश

• तुम्ही आणि तो व्यक्ती कोणत्या ग्रुपमध्ये आहात

• त्या अकाऊंटची जुनी माहिती (तो Telegram वर अॅड झाला)

त्या युजरचे अकाऊंट व्हेरिफाइड आहे का?

हे फीचर वापरकर्त्यांना अनोळखी लोकांकडून मिळणाऱ्या संदेशांविषयी अधिक माहिती देईल आणि सुरक्षितता वाढवेल.

Telegram Stars वापरून गिफ्ट सबस्क्रिप्शन

टेलिग्रामने Stars प्रणाली सुरू केली आहे. ज्यात युजर्सना Premium सबस्क्रिप्शन गिफ्ट करण्याची सुविधा दिली आहे. वापरकर्ते Star Messages द्वारे कमावलेले Stars 21 दिवसांनंतर काढून घेऊ शकतात आणि त्याचा Telegram जाहिरातींसाठी उपयोग करू शकतात.

प्रोफाइल कव्हरवर गिफ्ट पिन करण्याचा पर्याय

टेलिग्रामने आणखी एक खास पर्याय दिला आहे, ज्याद्वारे वापरकर्ते आपल्या प्रोफाइल कव्हरवर 6 पर्यंत गिफ्ट्स पिन करू शकतात. यासाठी Settings > My Profile > Gifts या सेक्शनमध्ये जाऊन गिफ्ट मॅनेज करता येतील.

टेलिग्रामच्या या नव्या अपडेटमुळे वापर अधिक सुरक्षित, मनोरंजक आणि उपयुक्त होणार आहे. नवीन फीचर्समुळे स्पॅम नियंत्रित करता येईल.