या दिवाळीत जर तुम्ही कमी बजेटमध्ये दमदार स्मार्टफोन (Smart Phone) खरेदी करण्याचा विचार करत असाल, तर तुमचा शोध कदाचित Redmi Note 9 वर संपू शकेल. वास्तविक, Mi आपल्या Redmi Note 9 स्मार्टफोनवर Mi Exchange प्रोग्राम ऑफर करत आहे. या प्रोग्राम अंतर्गत ग्राहक जुने फोन एक्‍सचेंज करू शकतात आणि Redmi Note 9 खरेदी करू शकतात. तुम्हाला पूर्ण एक्‍सचेंज बोनसची रक्कम मिळाल्यास, तुम्ही Redmi Note 9 कमीत कमी 1499 रुपयांमध्ये खरेदी करू शकता. Redmi Note 9 ची किंमत किती आहे आणि तुम्हाला ऑफर कशी मिळेल त्याबद्दल जाणून घ्या...

तीन प्रकारांमध्ये उपलब्ध आहे Redmi Note 9 आणि त्याप्रमाणे किमतीही

Redmi Note 9 चा बेस मॉडेल म्हणजेच 4GB + 64GB व्हेरिएंटची किंमत 11,999 रुपये आहे. 4GB + 128GB व्हेरिएंटची किंमत 12,999 रुपये आहे आणि टॉप एंड 6GB + 128GB व्हेरिएंटची किंमत 13,999 रुपये आहे. कंपनी या तिन्ही प्रकारांवर Mi Exchange ऑफर 10,500 रुपयांपर्यंत देत आहे. म्हणजेच तुमचा जुना फोन बदलून तुम्ही Redmi Note 9 वर 10,500 रुपयांपर्यंत सूट मिळवू शकता. ही ऑफर कंपनीच्या अधिकृत साइटवर उपलब्ध आहे. समजा, तुम्हाला जुन्या फोनच्या एक्‍सचेंजवर 10,500 रुपयांचा पूर्ण एक्‍सचेंज बोनस मिळाला तर Redmi Note 9 चा 4GB + 64GB व्हेरिएंट फक्त 1,499 रुपयांना, 4GB + 128GB व्हेरिएंट फक्त 2,499 रुपयांना आणि 6GB + 128GB व्हेरिएंट फक्त 2,499 रुपयांना खरेदी करता येईल. हे लक्षात घ्यावे, की एक्‍सचेंज बोनसची रक्कम जुन्या फोनची स्थिती आणि मॉडेलवर अवलंबून असेल.

असा घ्या Mi Exchange सुविधेचा लाभ

• फोन खरेदी करण्यासाठी सर्वप्रथम 'Buy Now' वर क्‍लिक करा.

• तुमचा पसंतीचा प्रकार निवडा, खाली स्क्रोल करा आणि 'बाय विथ एक्‍सचेंज' पर्यायावर क्‍लिक करा.

• पिनकोड तपशील प्रविष्ट करा.

• तुम्हाला एक्‍सचेंज करायचे असलेल्या जुन्या फोनचे मॉडेल निवडा

• IMEI तपशील प्रविष्ट करा.

• Agree and Apply Credit Now सिलेक्‍ट करा आणि तुमच्या जुन्या फोनचे बेस्ट व्हॅल्यू जाणून घ्या.

• खरेदी केल्यावर डिलिव्हरी एक्‍झिक्‍युटिव्ह जुना फोन घेण्यासाठी आणि नवीन फोन देण्यासाठी घरी येईल.

काय खास आहे Redmi Note 9 स्मार्टफोनमध्ये...

अधिकृत साईटवर दिलेल्या माहितीनुसार, फोन Aqua Green, Artic White, Pebble Grey, Scarlet Red आणि Shadow Black या 5 रंगांच्या पर्यायांमध्ये उपलब्ध आहे. फोनमध्ये 6.53-इंचाचा फुल एचडी प्लस डिस्प्ले आहे, ज्यामध्ये कॉर्निंग गोरिल्ला ग्लास 5 संरक्षण मिळते. डिस्प्लेवर अँटी ऑइल आणि अँटी फिंगरप्रिंट प्रोटेक्‍टिव्ह कोटिंग आहे. फोन MIUI 11 + Android 10 OS वर काम करतो आणि MediaTek Helio G85 प्रोसेसरने सज्ज आहे. फोटोग्राफीसाठी, फोनमध्ये 48-मेगापिक्‍सलचा AI क्वाड कॅमेरा आणि 13-मेगापिक्‍सलचा AI सेल्फी कॅमेरा आहे. फोनमध्ये 5020mAh बॅटरी आहे, जी 9W रिव्हर्स चार्जिंगला सपोर्ट करते. बॉक्‍समध्ये 22.5W चा फास्ट चार्जर उपलब्ध आहे.