Electronic Fire Crackers : दिवाळी आली की फटाक्यांमुळे होणाऱ्या प्रदूषणाची चर्चा पुन्हा सुरू होते. तसंच कित्येक ठिकाणी फटाक्यांमुळे आग लागण्याच्या दुर्दैवी घटनांची नोंदही ठरलेलीच असते. यामुळे कित्येक लोक फटाके न वापरण्याचा निर्णय घेतात. मात्र, फटाक्यांशिवाय दिवाळीची मजा ती काय? यामुळेच या दिवाळीला अधिक आनंदी बनवण्यासाठी तुम्ही इलेक्ट्रॉनिक फटाक्यांचा पर्याय वापरू शकता.
यावर्षी प्रदूषणामुळे केंद्र सरकार आणि राज्य सरकारांनी दिवाळीत फटाके वाजवण्यावर निर्बंध लागू केले आहेत. त्यावर उपाय म्हणून तुम्ही इलेक्ट्रॉनिक फटाके मागवू शकता. हे स्मार्ट डिव्हाईसेस असतात, जे लाईट आणि साऊंड जनरेट करतात. यामुळे खरोखरचे फटाके वाजवल्याचा आनंद मिळतो.
इलेक्ट्रॉनिक फटाक्यांचा सर्वात मोठा फायदा म्हणजे यामुळे प्रदूषण आणि दुर्घटनांना आळा बसतो. तसंच, एकदा खरेदी केल्यानंतर हे फटाके पुढील काही वर्षे पुन्हा-पुन्हा वापरता येतात. त्यामुळे ही एक अत्यंत फायद्याची वन-टाईम इन्व्हेस्टमेंट ठरते. या फटाक्यांचा वापर करणंही अगदी सोपं असतं.
या फटाक्यांमध्ये एकमेकांशी कनेक्ट असणारे छोटे-छोटे पॉड्स असतात. या पॉड्समध्ये LED लाईट्स असतात. प्लग करुन सुरू केल्यानंतर या पॉड्समध्ये असणाऱ्या लाईट्स थोड्या-थोड्या कालावधीनंतर स्पार्क करतात. यासोबत साऊंडही जोडल्यास खरोखरचे फटाके वाजत असल्याचा आभास निर्माण होतो.
या डिव्हाईसेसना रिमोटने कंट्रोल देखील करता येतं. तसंच, फटाके वाजण्याच्या वेळा देखील बदलता येऊ शकतात. यांचा आवाज खऱ्या फटाक्यांएवढा मोठा नसतो. मात्र, तुमच्यापुरती दिवाळी तुम्ही नक्कीच साजरी करू शकता. (Tech News)
ऑनलाईन शॉपिंग वेबसाईट्सवरुन तुम्ही इलेक्ट्रॉनिक फटाके खरेदी करू शकता. अमेझॉनवर साधारणपणे 2,500 रुपयांपर्यंत हे डिव्हाईस उपलब्ध आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.