Top 5 Family Cars : आपल्याला आपल्या कुटुंबासाठी नेहमीच सुरक्षित प्रवास हवा असतो. पण यासाठी आपलं बजेट कोलमडू नये शिवाय चांगली कारही खरेदी करता यावी अशी सर्वांचीच इच्छा असते. त्यामुळे कौटुंबिक प्रवास आरामदायी आणि सुरक्षित करण्यासाठी 7 -8 सीटर कार सर्वोत्तम आहेत.

यापैकी मारुती XL6, Ertiga, Kia Carens, Innova Hycross सारख्या कारना जोरदार मागणी आहे. मोठ्या कुटुंबासाठी नवीन कार खरेदी करण्याचा विचार करत असलेल्या टॉप 5 फॅमिली कार कोणत्या आहेत ते आज आम्ही सांगणार आहोत.

1. Maruti Suzuki Ertiga : मारुती सुझुकी एर्टिगा ही देशातील सर्वाधिक विकली जाणारी 7 सीटर कार आहे. त्यात सीएनजीचा ऑप्शन ही देण्यात आला आहे. चांगले फीचर्स आणि वैशिष्ट्यांसह, ही कार मोठ्या कुटुंबासाठी योग्य पर्याय ठरू शकते. या कारची एक्स-शोरूम किंमत 8.49 लाख रुपये आहे.

2. Kia Carens : Kia Carens मध्ये 6 आणि 7 सीटर असे दोन्ही ऑप्शन उपलब्ध आहेत. ही Kia ची भारतीय बाजारपेठेतील लोकप्रिय MPV कार आहे. Carens ची एक्स-शोरूम किंमत 10.44 लाख रुपयांपासून सुरू होते.

3. Maruti Suzuki XL6 : मारुती XL6 ही एक प्रीमियम MPV कार आहे. ही कार मुख्यत्वे मारुती एर्टिगा मॉडेल बेस्ड कार आहे. ही कार मारुतीच्या महागड्या कार डीलरशिप Nexa मार्फत विकली जाते. बाजारात त्याची एक्स-शोरूम किंमत 11.41 लाख रुपयांपासून सुरू होते.

4. Hyundai Alcazar: Hyundai Alcazar मध्ये थ्री सीटर बसण्याची व्यवस्था उपलब्ध आहे. दक्षिण कोरियाच्या कंपनीची कार टाटा सफारी, किया केरेन्स आणि महिंद्रा XUV700 सारख्या कारशी स्पर्धा करते. दमदार वैशिष्ट्यांसह सुसज्ज, Alcazar ची एक्स-शोरूम किंमत 16.74 लाख रुपयांपासून सुरू होते.

5. Toyota Innova Hycross: इनोव्हा हायक्रॉस हे टोयोटाच्या लोकप्रिय एमपीव्ही इनोव्हाचं नवं मॉडेल आहे. ही कार हायब्रिड टेक्नोलॉजी मध्ये सादर करण्यात आली आहे. कार मोठ्या कुटुंबांसाठी एक उत्तम पर्याय आहे कारण ती 7-8 सीटर असा ऑप्शन देते. त्याची सुरुवातीची एक्स-शोरूम किंमत रु. 18.55 लाख आहे.