सध्या दिवाळीचा उत्साह केवळ देशातच नाही, तर जगभरात दिसून येत आहे. गुगलचे सीईओ सुंदर पिचाई यांनीही दिवाळीच्या शुभेच्छा दिल्या. यासोबतच त्यांनी दिवाळीच्या काळात जगभरात सर्च करण्यात आलेले टॉप 5 प्रश्न देखील शेअर केले.

पिचाई यांनी एक्सवर (ट्विटर) एक पोस्ट करत ही माहिती दिली आहे. "दिवाळीबाबत जगभरातील लोकांना भरपूर कुतूहल आहे. त्यामुळेच जगभरात दिवाळीबाबत जाणून घेणारे टॉप पाच प्रश्न इथे दिले आहेत." असं पिचाई यांनी आपल्या पोस्टमध्ये म्हटलं आहे.

एका जिफमध्ये हे पाचही प्रश्न शेअर करण्यात आले आहेत. या जिफमध्ये एक पणती देखील दिसत आहे. हे पाच प्रश्न पुढीलप्रमाणे -

• भारतीय लोक दिवाळी का साजरी करतात?

• दिवाळीमध्ये रांगोळी का काढली जाते?

• दिवाळीमध्ये पणत्या का लावल्या जातात?

• दिवाळीमध्ये लक्ष्मी देवीची पूजा का करतात?

• दिवाळीमध्ये अभ्यंगस्नान/तेल लाऊन अंघोळ का करतात?

एकूणच, दिवाळी सण आणि त्यामधील प्रथा याबाबत जाणून घेण्यासाठी जगभरातील लोक उत्सुक होते. (Tech News)