Whatsapp Video Call Camera Feature : व्हॉट्सअ‍ॅप लवकरच एक महत्त्वाचे अपडेट आणणार आहे, जो युजर्सना व्हिडिओ कॉल उचलण्याआधीच त्यांचा कॅमेरा बंद करण्याची सुविधा देईल. या नव्या फीचरमुळे गोपनीयता अधिक सुरक्षित होईल आणि युजर्सना अनपेक्षित व्हिडिओ कॉल्समुळे होणाऱ्या गैरसोयीपासून बचाव करता येईल.

व्हिडिओ कॉल्ससाठी ‘प्रायव्हसी फोकस्ड’ सुविधा

सध्या व्हॉट्सअ‍ॅपवर व्हिडिओ कॉल आला की फ्रंट कॅमेरा आपोआप सुरू होतो. त्यामुळे कॉल उचलण्यापूर्वीच युजर स्क्रीनवर दिसतो. जर कॅमेरा बंद करायचा असेल तर तो कॉल उचलल्यानंतर मॅन्युअली बंद करावा लागतो. मात्र लवकरच येणाऱ्या नव्या अपडेटमध्ये युजर्सना कॉल उचलण्याआधीच "Turn off your video" पर्याय मिळेल. त्यामुळे युजर व्हॉइस-ओनली मोडमध्ये कॉल उचलू शकतो.

व्हिडिओ कॉल स्कॅम्सवर प्रभावी उपाय

सध्या व्हॉट्सअ‍ॅपवर काही फसवणुकीचे प्रकार वाढले आहेत, जसे की सेक्सटॉर्शन किंवा मॉडिफाइड व्हिडिओ कॉल्सद्वारे युजर्सची फसवणूक केली जाते. अशा परिस्थितीत हे नवे फीचर अत्यंत उपयुक्त ठरेल. यामुळे युजर्सना व्हिडिओ कॉल उचलल्यानंतर लगेच कॅमेऱ्यासमोर यावे लागणार नाही.

कधी येणार अपडेट?

हे फीचर अजूनतरी सर्वांसाठी उपलब्ध नाही पण WhatsApp च्या 2.25.7.3 बीटा व्हर्जनमध्ये याची चाचणी सुरू आहे. लवकरच ते सर्व युजर्ससाठी रोलआउट केले जाईल. हे खूप फायद्याचे ठरेल.

हा बदल WhatsApp साठी गेमचेंजर ठरू शकतो. यामुळे युजर्सला अधिक नियंत्रण मिळेल आणि प्रायव्हसीची अधिक खात्री दिली जाईल. जर तुम्ही व्हिडिओ कॉल्स उचलण्यास संकोच करत असाल किंवा अनपेक्षित कॉल्स टाळू इच्छित असाल तर ही सुविधा नक्कीच फायदेशीर ठरेल.