Twitter Accounts Ban : इलॉन मस्कच्या 'एक्स' (ट्विटर) या मायक्रो-ब्लॉगिंग साईटने भारतातील सुमारे 24 लाख अकाउंट्स बंद केले आहेत. जून आणि जुलै या दोन महिन्यांच्या कालावधीमध्ये ही कारवाई करण्यात आली आहे. चाईल्ड पॉर्नोग्राफी, न्यूड कंटेंट आणि दहशतवाद पसरवणारे अकाउंट्स बंद करण्यात आले आहेत.
मिळालेल्या माहितीनुसार, 26 मे ते 25 जून या कालावधीमध्ये कंपनीने भारतातील 5,44,473 अकाउंट्सवर निर्बंध लागू केले होते. जून आणि जुलै या दोन महिन्यांमध्ये एकूण 23,95,495 एक्स खाती बंद करण्यात आली आहेत.
मे ते जून या कालावधीमध्ये एक्स कंपनीने दहशतवादी कंटेंट पसरवणाऱ्या 1,772 अकाउंट्सना साईटवरुन हटवलं. तर, जून ते जुलै दरम्यान अशाच 2,865 अकाउंट्सना हटवण्यात आलं. दहशतवादासंबंधी कंटेंट पसरवणाऱ्या सुमारे 18,51,022 अकाउंट्सवर निर्बंध लागू करण्यात आल्याचं कंपनीने स्पष्ट केलं आहे.
एक्स कंपनीला 26 जून ते 25 जुलैदरम्यान भारतीय ग्राहकांकडून 2,056 तक्रारी प्राप्त झाल्या. यानंतर कंपनीने 49 तक्रारींवर कारवाई केली आहे. यात एका रिपोर्ट केल्या गेलेल्या अकाउंटचं सस्पेन्शन रद्द करण्याचा निर्णयही घेण्यात आला. मात्र, इतर अकाउंट्सवरील बंदी कायम ठेवण्यात आली.
भारतातून सर्वाधिक तक्रारी आक्षेपार्ह मेसेज करणे, आक्षेपार्ह व्यवहार करणे, गोपनीयतेचे उल्लंघन करणे आणि बाल लैंगिक शोषण यासंबंधी होत्या असंही एक्सने स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.