श्याओमी या चिनी मोबाईल कंपनीचे भारतात असंख्य चाहते आहेत. या कंपनीने आपल्या भारतातील नवव्या वर्धापन दिनानिमित्त खास ऑफर दिली आहे. यामध्ये रेडमीच्या तीन मोठ्या स्मार्टफोनवर तगडा डिस्काऊंट दिला जात आहे. ६ जुलै ते १० जुलैपर्यंत हा सेल सुरू असणार आहे.

Redmi 12C

रेडमीच्या या स्मार्टफोनची किंमत १३,९९९ रुपये आहे. मात्र, श्याओमीच्या या सेलमध्ये हा फोन केवळ ७,८९९ रुपयांना उपलब्ध आहे. यासोबतच चेकआऊट करताना अतिरिक्त ६०० रुपयांची सूटही दिली जात आहे.

या फोनमध्ये ६.७१ इंच मोठा एचडी+ एलसीडी डिस्प्ले मिळतो. तसेच, यात ५० मेगापिक्सल क्षमतेचा ड्युअल कॅमेरा सेटअप देण्यात आला आहे. या फोनमध्ये ६ जीबी रॅम आणि १२८ जीबी इंटर्नल स्टोअरेज असा पर्याय उपलब्ध आहे.

Redmi Note 12 5G

रेडमीच्या नोट १२ ५जी या स्मार्टफोनची किंमत २१,९९९ रुपये आहे. मात्र, सेलमध्ये हा स्मार्टफोन केवळ १४,९९९ रुपयांना मिळतोय. यासोबतच, जुना फोन एक्सचेंज केल्यास यात आणखी २ हजार रुपयांची सूट तुम्हाला मिळू शकते.

यामध्ये ६.६७ इंच डिस्प्ले, १२०० निट्स ब्राईटनेस, गोरिला ग्लास ३ प्रोटेक्शन, असे फीचर्स देण्यात आले आहेत. तसेच, यात ऑक्टा कोअर डायमेंसिटी १०८० हा तगडा प्रोसेसर देण्यात आला आहे. यात ५००० mAH बॅटरी, ६७W फास्ट चार्जिंग आणि ५० मेगापिक्सलचा कॅमेरा दिला आहे.

रेडमीचा Note 12 Pro 5G या स्मार्टफोनवरही मोठा डिस्काउंट दिला जातोय. २७,९९९ रुपयांना असलेला हा मोबाईल, सेलमध्ये केवळ २०,४९९ रुपयांना मिळतोय. एक्सचेंज बोनस म्हणून ही सूट देण्यात येत आहे. श्याओमीच्या अधिकृत वेबसाईटवर हा सेल सुरू आहे.