Youtube Deleted Videos reason : सतत वाढणाऱ्या स्कॅम्स आणि चुकीच्या माहितीच्या व्हिडिओंच्या अपलोडमुळे YouTube ने एक महत्त्वाची कारवाई केली आहे. २०२४ च्या ऑक्टोबर ते डिसेंबर महिन्याच्या दरम्यान, YouTube ने आपल्या प्लॅटफॉर्मवरून ९.५ मिलियन व्हिडिओ हटवलेत. म्हणजे जवळपास 95 लाख व्हिडिओ. यामध्ये सर्वाधिक हटवलेल्या व्हिडिओंमध्ये भारताने सर्वोच्च स्थान पटकावले आहे, ज्यामध्ये जवळपास ३ मिलियन व्हिडिओ हटवले गेलेत.
YouTube ने आपल्या कंटेंट धोरणांबाबत कठोर कारवाई सुरू केली असून त्याच्या एआय आधारित डिटेक्शन सिस्टीम्स आणि मानवी मॉडरेटरच्या मदतीने हानिकारक कंटेंटला प्लेटफॉर्मवरून काढून टाकण्यात येते. याचा उद्देश, वापरकर्त्यांसाठी अधिक सुरक्षित आणि विश्वासार्ह वातावरण निर्माण करणे आहे.
बालकांसाठी सुरक्षा उल्लंघनामुळे व्हिडिओ हटवले जाण्याची मुख्य कारणे आहेत.
YouTube च्या या कठोर कारवाईमागील मुख्य कारण म्हणजे बालकांसाठी सुरक्षा उल्लंघन. ५ मिलियनाहून अधिक व्हिडिओ बालकांच्या सुरक्षेला धोका निर्माण करत असल्यामुळे हटवले गेले. याशिवाय, इतर कारणे ज्यामुळे व्हिडिओ हटवले गेले, ती अशी होती-
हानिकारक किंवा धोकादायक कंटेंट
छळ आणि हिंसक कंटेंट
स्पॅम आणि गमरोस माहिती
मास चॅनेल आणि टिप्पणी हटवणे
सहाजिकच एकाच चॅनेलवरून व्हिडिओ हटवल्यामुळे त्या चॅनेलचे सर्व व्हिडिओ हटवले जातात. यामुळे एकूण ५४ मिलियन व्हिडिओ हटवले गेले. यासोबतच, YouTube ने 1.2 अब्ज कमेन्ट देखील हटवल्या. ज्यामध्ये बहुतेक कमेन्ट स्पॅम म्हणून चिन्हांकित करण्यात आल्या, तर काही कमेन्ट छळ, द्वेषभाषा किंवा धमक्या असलेल्या कारणाने हटवल्या.
YouTube ने आपल्या कंटेंट मॉडरेशन सिस्टीमला सातत्याने सुधारले आहे, ज्यामुळे चुकीच्या कंटेंटचा प्रसार रोखता येईल. भारताने व्हिडिओ हटवण्याची संख्या लक्षात घेणे महत्वाचे झाले आहे.
कंपनीने कंटेंट निर्मात्यांना आपली धोरणे पाळण्याचे आवाहन केले आहे, तसेच त्यांना असे सूचित केले आहे की त्यांनी अशा कंटेंटची अपलोडिंग टाळावी जी हटवली जाऊ शकते. व्हिडिओ अपलोड करणाऱ्यांसाठी हा एक स्पष्ट इशारा आहे नियमांचे पालन करा, नाहीतर तुमचा कंटेंट गमावू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.