जर तुम्हाला हनिमून आठवणीत ठेवायचा असेल तर भारतात अनेक ऑफबीट जागा आहेत. ज्या अत्यंत सुंदर आहेत. (places-for-honeymoon-destinations-marathi-news) esakal
ऐतिहासिक ठिकाणांमध्ये 'हम्पी' चा समावेश होतो. आपल्या पुरातत्व वास्तुकलेचे उत्कृष्ट नमुने या ठिकाणी तुम्हाला पाहावयास मिळतील. तुम्हाला जर ऑफबीट प्लॅनिंग हवी असेल तर हे ठिकाण नक्की निवडा जर तुम्ही एका वेगळ्या रोमांचक ठिकाणाच्या शोधात असाल तर तुम्ही ताज फालकनुमा पॅलेस बुक करू शकता आणि या ठिकाणी असलेल्या भव्यतेचा अनुभव घेऊ शकता.
दार्जिलिंग ही देशातील चहा उत्पादित करणार्या ठिकाणांपैकी प्रमुख ठिकाण आहे. निसर्गाचा अद्भूत नजारा आणि चहाच्या बागा आणि इथले रिसॉर्ट सुट्टीसाठी विशेष आकर्षण आहे. वसंत ऋतूच्या सुरुवातीला काश्मीरमध्ये सगळीकडे हिरवागार गालीचा असतो. अशात ट्यूलिप फुलांचा बहार येतो. हा सुंदर नजारा तुम्ही एप्रिल महिन्यापूर्वी पाहू शकता. त्या हंगामात विलोभनीय दृश्य पहावयास मिळते. अनेक बाईक रायडर्स पर्यटनासाठी लडाखला पसंती देतात.रायसी फोर्ट, रॉयल पॅलेस, प्यांग, लिकिर, स्पिटुक, थिक्से अशा मॉनेस्ट्रीज (मठ) येथे आहेत. हे प्राचीन बौद्ध मठ पाहताना एका गूढ विश्वात आपण जातो. या ठिकाणी सूर्यास्त वेळी सुंदर दिसणारा क्षण तुम्हाला फोटो मध्ये टिपता येईल. हनिमूनसाठी केरळ देखील एक भारी ठिकाण आहे. कोची पासून चित्तूर, कोट्टायम बोट फेरी हे याठिकाणाचे मुख्य आकर्षण आहे. इथल्या बॅकवॉटरला गेलात तर सुंदर क्षण अनुभवायला मिळेल. अंदमान आणि निकोबार बेटे ही शांत जागा, रोमॅंटिक वातावरण, उत्कृष्ट हॉटेल्स, आणि बरेचसे साहसी खेळ आणि वॉटर स्पोर्ट्ससाठी प्रसिद्ध आहे. या सर्व गोष्टी अंदमान आणि निकोबारला एक उत्तम हनिमून स्थळ बनवतात. सी फूड खवय्यांसाठी देखील ही एक उत्तम जागा आहे जर तुम्हाला सांस्कृतिक आणि ऐतिहासिकदृष्ट्या पर्यटन स्थळे पाहायची असतील. तर राजस्थान मधील जोधपूर, उदयपूर, चित्तौडगड, रणथंबोर आणि जयपूर यांसारख्या शहरांमध्ये पर्यटनाचा आनंद लुटू शकता. तसेच गुजरातमध्ये नॅशनल पार्क आहे. जिथे जंगल सफारी सोबत तुम्ही भटकंतीला जाऊ शकता. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.