Travel Tips what to eat or what not to eat during travel

अनेक लोकांना प्रवास करायला आवडते. परंतू प्रवासादरम्यान तब्येत बिघडल्यास अनेक समस्यांना सामोरे जावे लागते. यामुळे प्रवासापुर्वी काही महत्वाच्या गोष्टी लक्षात ठेवणे गरजेचे असते. ज्यामुळे तुमचा प्रवास सुखकर होईल.

तुम्ही जर देश-विदेशात प्रवास करत असाल तर खाण्या-पिण्याबाबत निष्काळजीपणा करू नका. यामुळे आरोग्याशी संबंधित अनेक समस्यांना सामोरे जावे लागू शकते. त्यामुळे प्रवासादरम्यान जेवणाची खास काळजी घ्यावी. जेणेकरून तुम्ही प्रवासाचा आनंद घेऊ शकाल.

फास्ट फूड

अनेक लोकांना फास्ट फूड खायला आवडते. पण प्रवासादरम्यान फास्ट फूड खाणे टाळावे. कारण या पदार्थांमुळे पोटासंबंधित समस्या निर्माण होऊ शकतात. याऐवजी तुम्ही प्रवासात सुकामेवा, फळं किंवा घर बनवलेले पदार्थ सोबत घेऊन जाऊ शकता.

भरपूर पाणी प्या

उन्हाळ्यात पाणी पिणे गरजेचे आहे. यामुळे शरीर हायड्रेट राहते. प्रवासादरम्यान बद्धकोष्ठता आणि डिहायड्रेशनची समस्या कमी करण्यासाठी भरपुर पाणी प्यावे. तसेच हंगामी फळांचे सेवन करावे. यामुळे पचनसंस्थेबाबत कोणताही समस्या निर्माण होणार नाही.

वेळेवर जेवण करावे

प्रवासात खाण्या-पिण्याच्या वेळीची काळजी घ्यावी. अनेकवेळा लोक प्रवासात वेळेवर खात नाहीत, त्यामुळे तुम्ही आजारी पडू शकते. प्रवासादरम्यान वेळेवर नाश्ता आणि जेवण करावे. यामुळे तुम्ही प्रवासाचा आनंद घेऊ शकता.

चहा आणि कॉफीचे अतिसेवन

अनेक लोक प्रवासात चहा आणि कॉफीचे अतिसेवन करतात. यामुळे पचनसंस्थेवर परिणाम होतो. तुम्ही प्रवासात हर्बल टी पिऊ शकता. यामुळे थकवा कमी होऊन पचनसंस्थेवर परिणाम होणार नाही. तुम्ही चहा-कॉफीऐवजी फळांचा रस पिऊ शकता.

अति खाणे टाळा

प्रवास करताना जड आणि अति पदार्थ खाणे टाळावे. प्रवासादरम्यान पौष्टिक पादर्थांचे सेवन करावे. तुम्ही आहारात दलिया, स्प्राउट्स, उकडलेले अंडी यासारख्या पदार्थांचा आहारात समावेश करू शकता.