बेळगांव : पंतप्रधान नरेंद्र मोदींचं (Narendra Modi) जॅकेट प्रेम सगळ्यानांच माहीत आहे. आता त्यात आणखी भर पडलीये. पंतप्रधान मोदींच्या कार्यानं प्रेरित होऊन एक टेलरनं मोदींसाठी खास कोट शिवला आहे.

बेळगाव खडेबाजार येथील सुप्रसिद्ध टेलर (Belgaum Taylor) सचिन काकडे यांनी 60 फूट उंच कोट, तसंच 2 इंचाचा लहान कोट मोदींसाठी भेट म्हणून तयार केला आहे. पंतप्रधान नरेंद्र मोदींनी हुबळी इथं आयोजित युवा जनोत्सवाला संबोधित केलं. यावेळी मोदींसाठी भेट म्हणून खास शिवण्यात आलेला कोट देण्यात आला.

हा कोट तयार करण्यासाठी बेळगावच्या सचिन काकडे टेलर्स यांनी परिश्रम घेतले. हा खास कोट 60 फूट उंच असून सर्वांचं लक्ष दूरवरून खेचत आहे. तसंच 2 इंचाचा छोटा कोटही भेट म्हणून मोदींना देण्यात आला आहे.